Run World Media: 03/31/19

உங்கள் இமெயிலை உள்ளிடுங்கள்-உங்கள் Inboxல் Confirm செய்யுங்கள் நமது செய்தி உடனுக்குடன் வந்து சேரும்

எங்களது பிற செய்திகளை இங்கு தேடவும்

For Advertisement

விளம்பரம் செய்ய runworldmedia@gmail.com க்கு மின்னஞ்சல் அனுப்புங்கள்...

Sunday, March 31, 2019

ஓட்டுக்கேட்டு போன இடத்தில் விரட்டியடிப்பு: 5 நிமிடத்திலேயே ஓடிய தம்பிதுரை



கரூர் அருகே ஓட்டுகேட்க போன அதிமுக வேட்பாளர் தம்பிதுரையை பொதுமக்கள் முற்றுகையிட்டு சரமாாி கேள்வி கேட்டதால் அங்கிருந்து 5 நிமிடத்தில் அவர் எஸ்கேப்பானார்.


கரூர் மக்களவை தொகுதி அதிமுக வேட்பாளர் தம்பிதுரை, கரூர் மாவட்டம் ஏமூர்புதூர் காலனியில் இன்று காலை 8.30 மணியளவில் வாக்கு சேகரிக்க சென்றார். அவருடன் கிருஷ்ணராயபுரம் தொகுதி எம்எல்ஏ கீதாவும் உடன் சென்றார்.


பிரசார ஜீப்பில் இருந்து இருவரும் ஏமூர்புதூர் காலனியில் வந்து இறங்கியவுடன் அப்பகுதியினர் அவர்களை சூழ்ந்து கொண்டனர். பெண்கள் தம்பிதுரையை பார்த்து, இப்பகுதியில் போர் போட்டு 2 வருடம் ஆகியும் இன்னும் தண்ணீர் வரவில்லை. இதனால் நாங்கள் தண்ணீருக்கு மிகவும் கஷ்டப்படுகிறோம் என்று ஆவேசமாக கூறினர்.


மேலும், அந்த கூட்டத்தில் இருந்த ஒரு முதியவர், இப்பகுதிக்கு பஸ் வசதி செய்யப்படவில்லை. ஒரு மினி பஸ் வந்தது. அதுவும் இப்போது வருவதில்லை. இதனால் நாங்கள் எங்கு செல்லவேண்டுமானாலும் நடந்து சென்று சிரமப்படுகிறோம் என்று ஆவேசப்பட்டார். இதனால் கோபமான தம்பிதுரை, ஓட்டு போட்டா போடுங்க.... போடாட்டி போங்க.


யாருக்கு வேண்டுமானாலும் ஓட்டு போட்டுக்கங்க. அதுக்காக உங்ககிட்டே நான் கெஞ்ச முடியாது. நான் 4 வருடமாக இந்த ஊருக்கு வருகிறேன்.
இந்தியாவில் எந்த எம்.பியும் இதுமாதிரி கிராமம் கிராமமாக போனது கிடையாது. போர் போட்டா தண்ணீர் பிரச்னை தீர்ந்து விடுமா? காவிாி கூட்டு குடிநீர் திட்டம் செயல்படுத்தினால்தான் நிரந்தர தீர்வு கிடைக்கும்.


அதற்காக நடவடிக்கை எடுக்கப்பட்டு வருகிறது. என்று கோபமாக பேசிவிட்டு 5 நிமிடத்தில் ஜீப்பில் ஏறி அங்கிருந்து கிளம்பினார். இதை பார்த்த அப்பகுதி மக்கள், ஓட்டு கேட்க வந்துட்டு இப்படி கோபப்படுகிறாரே என்று முனுமுனுத்தப்படி அங்கிருந்து கிளம்பினர்.

கிராம நிர்வாக அலுவலகர்களை கிழித்து தொங்கவிட்ட கலெக்டர்; வைரலாகும் ஆடியோ பதிவு!!



முறையாக அலுவலகங்களில் இல்லாத கிராம நிர்வாக அலுவலகர்களை திருநெல்வேலி கலெக்டர் திட்டும் ஆடியோ பதிவி வைரலாகி வருகிறது.
மத்திய அரசு விவசாயிகளுக்கு 6000 ரூபாய் வழங்கப்படும் என பட்ஜெட்டில் அறிவித்திருந்தது.


அதற்கான விண்ணப்பங்கள் விநியோகிக்கப்பட்டு வருகின்றன. பூர்த்தி செய்யப்பட்ட விண்ணப்பங்களை கிராம நிர்வாக அலுவலகர்களிடம் ஒப்படைக்க வேண்டும்.
இந்நிலையில் பூர்த்தி செய்யப்பட்ட விண்ணப்பங்களை கொடுக்க சென்றால் அலுவலகத்தில் கிராம நிர்வாக அலுவலர்களே இல்லை என திருநெல்வேலியை சுற்றியுள்ள கிராமங்களில் உள்ள மக்கள் கலெக்டர் அலுவலகத்தில் புகார் அளித்தனர்.


இந்த விஷயம் கலெக்டர் ஷில்பா பிரபாகர் சதீஷின் கவனத்திற்கு செல்லவே, உடனடியாக ஒரு ஆடியோ பதிவை விஏஓக்களுக்கு அனுப்பினார். அதில் விண்ணப்பங்களை வாங்க கூட உங்களால் முடியாதா? நான் ஒவ்வொரு கிராமமாக இதுகுறித்து சோதனை செய்ய வருவேன். ஒருவேளை நீங்கள் அலுவலகங்களில் இல்லை என்றால் உடனடியாக நீங்கள் சஸ்பெண்ட் செய்யப்படுவீர்கள் என அதிரடியாக பேசியுள்ளார்.


அவர் கிராம நிர்வாக அலுவலர்களுக்கு எச்சரிக்கை விடுக்கும் ஆடியோ பதிவு வைரலாகி வருகிறது. மேலும் அந்த கலெக்டருக்கு பாராட்டுக்கள் குவிந்த வண்ணம் இருக்கிறது. இது திருநெல்வேலியில் மட்டுமல்ல பெரும்பாலான இடங்களில் இதே கொடுமை தான் நடக்கிறது. அவர்கள் என்னவோ எஜமானர்கள் மாதிரியும், நாம் என்னவோ வேலையாட்கள் மாதிரியும் சீன் போடுவார்கள்.

60 நாட்கள் சும்மாவே படுத்திருக்கனும்... ரூ.12 லட்சம் சம்பளம்...!



ஜெர்மன் மொழி பேசக்கூடிய 12 ஆண்கள், 12 பெண்கள் இந்த ஆய்வில் பங்கேற்க உள்ளனர். 60 நாட்களுக்கு அவர்கள் படுத்த படுக்கையாவே இருக்க வேண்டும்.


அமெரிக்க விண்வெளி ஆய்வு நிறுவனமான நாசா, ஐரோப்பிய விண்வெளி ஆய்வு நிறுவனத்துடன் இணைந்து ஒரு ஆய்வை நடத்த இருக்கிறது. ஆய்வு என்றால் பெரிய வேலை இல்லை... 60 நாட்கள் சும்மா படுத்தே இருக்க வேண்டும்.


அமெரிக்க விண்வெளி நிறுவனமான நாசா மற்றும் ஐரோப்பிய விண்வெளி நிறுவனம் ஆகியவை இணைந்து, செயற்கை புவியீர்ப்பு விசை உள்ள இடத்தில் தூக்கம் வருவது பற்றி ஆராய்ச்சியில் ஈடுபட போவதாக அறிவித்துள்ளன. விண்வெளியில் புவியீர்ப்பு விசை இல்லாத நிலையில், விண்வெளி வீரர்களுக்கு இது எந்த அளவு உதவும் என்று தெரிந்துள்வதற்காக இந்த ஆராய்ச்சி மேற்கொள்ளபடுவதாகவும் கூறப்பட்டுள்ளது.


இதற்கான ஜெர்மனியில் சும்மாவே இருக்கும் ஆய்வு நடத்தப்பட இருக்கிறது. ஜெர்மன் மொழி பேசக்கூடிய 12 ஆண்கள், 12 பெண்கள் இந்த ஆய்வில் பங்கேற்க உள்ளனர். 60 நாட்களுக்கு அவர்கள் படுத்த படுக்கையாவே இருக்க வேண்டும். இதற்காக அவர்களுக்கு இந்திய மதிப்பில் சுமார் 12 லட்சம் ரூபாய் வழங்கப்பட இருக்கிறது.


உணவு, கழிப்பறை, ஓய்வு எல்லாமே படுக்கை நிலையில்தான்.
இவர்களில் ஒரு குழுவினர் புவி ஈர்ப்பு இல்லாத பகுதியில் தங்க வைக்கப்பட இருக்கின்றனர். 60 நாட்களுக்குப் பிறகு, இரு குழுக்களின் உடல் நிலை, மன நிலை ஆகியவை பரிசோதிக்கப்பட இருக்கின்றன.

Featured Post

ரத்தம் சொட்ட சொட்ட.. மனைவியின் தலையுடன் தெருவில் நடந்து சென்ற இளைஞர்..

பட்டபகலில் மனைவியின் தலையை வெட்டி, ரத்தம் சொட்ட சொட்ட.. கையில் வைத்து கொண்டு தெருவில் நடந்து சென்ற இளைஞரை கண்டு பொதுமக்கள் அலறி அடி...

நமது சேனலில் வீடியோக்களை காண்க

சமூக சீரழிவு செய்திகள்