Run World Media: December 2020

எங்களது பிற செய்திகளை இங்கு தேடவும்

For Advertisement

விளம்பரம் செய்ய runworldmedia@gmail.com க்கு மின்னஞ்சல் அனுப்புங்கள்...

Saturday, December 26, 2020

செங்கல்பட்டு போக்குவரத்து அதிகாரியின் அதிரடி | உலகலாவிய மக்கள் அதிர்ச்சி | அரசு வாகனங்களின் பம்பர்கள் நீக்கப்படுமா..? லாரிகளின் எக்ஸ்ட்ரா பாடிகளை அகற்றுவாரா அந்த RTO..? | Chengalpattu Paranur Toll Plaza RTO Ride | Vil Ambu News

செங்கல்பட்டு மாவட்டம், பரனூர் சுங்கச் சாவடியில் விதிமுறைகளை மீறிய 170 வாகனங்கள் பறிமுதல் செய்யப்பட்டு ரூ.2.80 லட்சம் அபராதம் வசூலீக்கப்பட்டது. செங்கல்பட்டு வட்டார போக்குவரத்து அலுவலர் பாஸ்கர்,  போக்குவரத்து ஆய்வாளர்கள்  கார்த்திக், விஜயா, ஆனந்த் ஆகியோர் அடங்கிய அதிகாரிகள்  செங்கல்பட்டு சுங்கச்சாவடி பகுதியில் நேற்று திடீர் சோதனையில் ஈடுபட்டனர். 

அப்போது, விதிகளை மீறி அதிக பாரம் ஏற்றிவந்தது, ஷேர்ஆட்டோக்களில் அதிக பயணிகளை ஏற்றி வந்தது,  வாகன முகப்பு விளக்கில் கருப்பு ஸ்டிக்கர் ஒட்டாமல் வந்தது, சொகுசு கார், சரக்கு வாகனங்களில் எக்ஸ்ட்ரா பம்பர்  பொருத்தி இருந்தது என 170  வாகனங்களை பறிமுதல் செய்தனர்.

பின்னர், பறிமுதல் செய்யப்பட்ட வாகனங்களுக்கு ரூ.2 லட்சத்து 80 ஆயிரம்  அபராதம் விதிக்கப்பட்டு வசூலிக்கப்பட்டது. இதுகுறித்து வட்டார போக்குவரத்து அலுவலக அதிகாரிகள் கூறுகையில், ”செங்கல்பட்டு  மாவட்டத்திற்குட்பட்ட செங்கல்பட்டு, மதுராந்தகம், திருக்கழுக்குன்றம், திருப்போரூர், கூடுவாஞ்சேரி, செய்யூர், அச்சரப்பாக்கம், கல்பாக்கம் ஆகிய பகுதிகளில் தொடர்ந்து வாகன தணிக்கை  செய்யப்படும். 

எக்ஸ்ட்ரா பம்பர்கள் பொருத்தப்பட்டு  இருந்தால் வாகனங்கள் பறிமுதல் செய்யப்பட்டு அவை கழற்றப்படும். அபராதமும் விதிக்கப்படும். எக்ஸ்ட்ரா பம்பர் பொருத்துவதால் விபத்து நேரத்தில் வாகனங்களில் உள்ள சென்சார்  வேலை செய்யாமல் உயிர் இழப்பு ஏற்பட அதிக வாய்ப்புள்ளது என கூறினார்.


இதுகுறித்து பொதுமக்கள் மற்றும் சிறுரக வாகன ஓட்டிகளின் கருத்து என்னவெனில், இந்த சோதனைகள் அனைத்தும் கண் துடைப்புகளுக்கு தான் எனவும், பெரிய முதலாளிகளின் வாகனங்களை எந்த அதிகாரிகளும் கண்டுகொள்வது கூட இல்லை எனவும், வயிற்று பிழைப்பிற்கான மாத தவணை கட்டி வாகனம் வாங்கி ஓட்டுபவர்களை பார்த்தால் மட்டும்தான் இந்த அதிகாரிகளுக்கு மிக ஏளனமாய் தெரியும் என கூறுகின்றனர்.  வாகனங்களின் தற்காப்புகளுக்காவே இந்த எக்ஸ்ட்ரா பம்பர்கள் போடப்படுகிறது என்பது அனைவரும் அறிந்ததே…! அரசு வாகனங்களிலும் சரி அரசியல்வாதிகளின் வாகனங்களிலும் சரி இந்த எக்ஸ்ட்ரா பம்பர்கள் உள்ளது.


அப்படி இது விதிமீறல் எனில் அந்த பம்பர்கள் தயாரிக்கும் நிறுவனத்திற்கு அரசு எப்படி அங்கீகாரம் அளித்தது…? அரசு அதிகாரிகள் ஏன் தங்களின் வாகனங்களில் விதிகளை மீறி இந்த எக்ஸ்ட்ரா பம்பர்களை பொறுத்தினர்…? இதற்கு முன் இப்படிப்பட்ட வாகனங்களை R.T.O பார்த்ததே இல்லையா..? அப்போதெல்லாம் இதுபற்றி இத்தனை ஆண்டுகாலம் ஏன் கண்டுகொள்ளவில்லை என பொதுமக்கள் ஏராளமான குற்றச்சாட்டுகளை முன்வைக்கின்றனர்.

அத்தி பூத்தாற்போல என்ற வார்த்தையினை அனைவரும் கேள்விபட்டுருப்பீர்கள். அதுபோன்று தான் இந்த அதிகாரிகள். ஏதோ ஒரு நாள் ஜீப்பினை சாலை ஓரமாக மரத்தடியில் நிறுத்துவது…! பாவப்பட்ட ஏமார்ந்த வாகன ஓட்டிகள் கஷ்டப்பட்டு சம்பாதித்த ஊதியத்தினை அபராதம் என்ற பெயரில் வசூலிப்பது…! அதன் மூலமாக நேர்மையான அதிகாரி என்ற பட்டம் பெறுவது…!



அனைத்து பொதுமக்களும் சாலையில் தாருமாறாக செல்லும் லாரிகளை கண்டுள்ளோம். எக்ஸ்ட்ரா பாடி கட்டி, அதற்கும் மேல் அதிக லோடுகளை ஏற்றிக் கொண்டு செல்லும் வாகனங்களை எல்லாம் இந்த அதிகாரிகள் ஒருபோதும் கண்டுகொள்வது இல்லை. காரணம் என்னவெனில் இந்த வாகனங்களின் முதலாளிகள் பெருமுதலாளிகள். இவர்கள் என்ன செய்தாலும் இந்த அதிகாரிகள் கண்டு கொள்ளக்கூடாது என்பது இந்த அதிகாரிகளின் சட்டம்.

அரசு வாகனங்களின் எக்ஸ்ட்ரா பம்பர்களினால் சென்சார் வேலை செய்யும்… பிற வாகனங்களின் எக்ஸ்ட்ரா பம்பர்களினால் பம்பர் வேலை செய்யாதா..? இந்த அதிகாரிகள் அரசு பேருந்துகளை எப்போதாவது ஆய்வு செய்துள்ளார்களா…? என இப்படி இந்த அதிகாரிகளின் போக்குகளை பற்றி பொதுமக்கள் நீண்ட பட்டியலிட்டு புலம்பிக் கொண்டே உள்ள இந்த தருணத்தில் இப்படி ஒரு நிகழ்வு மிகவும் அதிர்ச்சியாகவும், சிரிப்பூட்டும் வித்தத்தில் உள்ளதாகவும்,  வாகன ஓட்டிகளும், வாகன முதலாளிகளும் தங்களின் தவறுகளையும் உணர்ந்து நடந்து கொள்ள வேண்டும் எனவும் பொதுமக்கள் வேதனை தெரிவிக்கின்றனர்.

செத்த பாம்புகளை அடித்து பட்டம் பெறும் அதிகாரிகள் உள்ளவரை நல்ல உள்ளம் கொண்ட அடிமட்ட அரசு ஊழியர்கள் ஒருபோதும் உயர் பதவிகளுக்கு வரவும் முடியாது எனவும், அப்படி ஒருநாள் வந்தால் மட்டுமே அரசு இயந்திரம் எந்தவித கோளாறுமின்றி செயல்படும் என்பதே மக்களின் கருத்து.



Friday, December 11, 2020

வீட்டுவசதி மற்றும் புதிய மேம்பாலங்கள் அமைக்க கோரி துறைசார்ந்த செயலாளர்களை சந்தித்து மனு அளித்த மதுராந்தகம் எம்.எல்.ஏ | Madurantakam MLA Pugazhenthi DMK | Vil Ambu News

செங்கல்பட்டு மாவட்டம், மதுராந்தகம் தொகுதியில் குடிசை வீடுகளில் வசித்து வரும் மக்களின் நலன் கருதி அவர்களுக்கு கான்கிரீட் வீடுகள் கட்டுவதற்கு வீட்டு வசதித்துறை முதன்மைச் செயலாளர் கார்த்திகேயன் இ.ஆ.ப-விடம் மதுராந்தகம் சட்டமன்ற உறுப்பினர் சு.புகழேந்தி நேரில் சந்தித்து மனு அளித்தார்.


மேலும், மதுராந்தகம் தொகுதியில் ஏற்பட்ட வெள்ள பாதிப்புகள் குறித்து உரிய நடவடிக்கை எடுக்குமாறு பேரிடர் மேலாண்மை செயலாளர் பணிந்தர் ரெட்டி இ.ஆ.ப-யை சந்தித்து மனு அளித்தார்.



அச்சிறுபாக்கம் ஒன்றியத்தில் பெரும்பாக்கம் ஊராட்சிக்குட்பட்ட தண்டலம் பணங்கல் ஓடை, தண்டரைப் பேட்டை ஊராட்சிக்குட்பட்ட வேடந்தாங்கல் தண்டலம் நெல்வாய் ஓடை, வெளியம்பாக்கம் ஊராட்சிக்குட்பட்ட பெரியார் சமத்துவபுரம் – கொங்கரை மாம்பட்டு சாலை தரைப்பாலம் உள்ளிட்டவற்றை மேம்பாலமாக மாற்றக் கோரியும், மதுராந்தகம் ஒன்றியம், நெட்றம்பாக்கம் ஊராட்சிக்குட்பட்ட கொல்லம்பாக்கம் காலனி மேம்பாலம் உடைந்து போக்குவரத்து துண்டிக்கப்பட்டுள்ளதை சீர் செய்யக் கோருதல் குறித்தும் இந்த மனுவில் குறிப்பிடப்பட்டுள்ளது.  


 

Thursday, December 10, 2020

[விபத்து] இராமாபுரம் எலப்பாக்கம் சாலையில் தொடர் விபத்து | கல்குவாரி லாரிகளால் சாலையில் ஏற்படும் தொடர் பள்ளம் | தூங்குகிறாரா ஆர்.டி.ஓ (R.T.O)..? | Anaikunnam Quarry Lorry Issue | Vil Ambu News

செங்கல்பட்டு மாவட்டம், மதுராந்தகம் வட்டம், இராமாபுரம் அருகே நேற்று (09.12.2020) இரவு சென்டிவாக்கத்தைச் சார்ந்த துரை என்பவர் சாலையில் இருந்த மிகப் பெரிய பள்ளத்தில் இரு சக்கர வாகனத்தினை ஏற்றி இறக்கி கட்டுப்பாடின்றி சுமார் 10 மீட்டர் தூரத்திற்குமேல் தூக்கி வீசப்பட்டு பலத்த காயமடைந்தார். இதுகுறித்து உடனடியாக செங்கை மாவட்ட ஆட்சியர் அவர்களுக்கு தகவல் அளிக்கப்பட்டுள்ளது.


பின்னர் 108 ஆம்புலன்ஸ் உதவியுடன் அவர் மதுராந்தகம் அரசு மருத்துவமனைக்கு அனுப்பி வைக்கப்பட்டார். இதே பள்ளத்தில் இதுவரை 5 விபத்துக்கள் நடைபெற்றுள்ளதாகவும், எலப்பாக்கம் முதல் இராமாபுரம் வரை உள்ள சுமார் 6 கி.மீ. சாலையில் சுமார் 10 இடங்களில் இதுபோன்ற அதிக ஆழமான பள்ளங்கள் உள்ளதாகவும், இந்த பள்ளங்களுக்கான காரணங்கள் அனைத்தும் ஆனைக்குன்னம் கல்குவாரி லாரிகள்தான் எனவும் சுற்று வட்டார கிராம மக்கள் குற்றம் சாட்டுகின்றனர்.


இதனையடுத்து நேற்று இரவு அந்த வழியே வந்த கல் குவாரிக்கு செயல்பட்டு வரும் 7 லாரிகள் சிறைபிடிக்கப்பட்டு சாலையில் மறியல் நடத்தப்பட்டது. சுமார் 3 மணி நேரம் போராட்டத்திற்கு பின்னர் கல் குவாரியிலிருந்து வருகை புரிந்த ஊழியர்களிடம் முறையிடப்பட்டது.


பின்னர், சாலையினை இரண்டு தினங்களுக்குள் சீரமைத்து தருவதாக கல் குவாரி ஊழியர்கள் உறுதியளித்தபின்னர் மறியல் கைவிடப்பட்டது. இதுவரை எலப்பாக்கம், ஆனைக்குன்னம், பின்னப்பூண்டி போன்ற இடங்களில் கல்குவாரி லாரிகளின் அராஜக ஓட்டத்தினை கண்டித்தும், கல் குவாரி லாரிகளினால் விபத்தில் சிக்கியவர்களுக்காக இழப்பீடு கோரியும் பல்வேறு ஆர்பாட்டங்கள் நடத்தியும் அரசு எந்தவித கட்டுப்பாட்டையும் மேற்கொள்ளவில்லை. சாலையோரத்தில் புதைக்கப்பட்டுள்ள குடிநீர் குழாய்கள் மாதத்திற்கு குறைந்தது 2 முறையாவது பழுதடைந்து சாலையில் குடிநீர் வீணாக பாய்கிறது.


கடந்த 3 மாதங்களுக்கு முன்பு மோகல்வாடியில் கல்குவாரிக்குச் சொந்தமான லாரி ஏறியதில் கீழாமூர் பகுதியைச் சார்ந்த சக்தி என்பவரின் இடது கை முற்றிலும் துண்டிக்கப்பட்டுள்ளது குறிப்பிடத்தக்கது.

குறிப்பாக லாரிகளின் சிறைபிடிப்புகளின்போது மதுராந்தகம் ஆர்.டி.ஓ (R.T.O) எந்த இடத்திற்கும் வருகை புரிந்து ஆய்வு செய்ததில்லை. லாரிகள் கல் குவாரியில் இருந்து வெளியே வரும்போது 2 யூனிட் சக்கை கற்களை ஏற்றி வருவதாக அனுமதி சீட்டு பெறப்படுகிறது.



ஆனால் சுமார் 3 அல்லது 4 யூனிட் வரையிலான கல் சக்கைகள் கனரக லாரிகளின் மேற்புறத்தில் பாடிக்கு மேல் சுமார் 1 முதல் 2 அடி உயரத்திற்கு ஏற்றப்பட்டு லாரியின் அருகில் செல்பவர்களுக்கு விபத்தை ஏற்படுத்தும் போக்கிலேயே செல்கிறது. மேலும் லாரிகள் காலியாக செல்லும் நேரத்தில் பொதுமக்களுக்கு ஆபத்தை விளைவிக்கும் போக்கில் அதிவேகமாக செல்கிறது. 

ஆனால் நமது கட்டுப்பாட்டில் உள்ள ஒருப்பகுதியில் கனரக லாரிகளினால் அடிக்கடி கடும் விபத்து மற்றும் போராட்டங்கள் நடைபெறுவதே தெரியாத அளவிற்கு மதுராந்தகம் ஆர்.டி.ஓ (R.T.O) வேலை பார்த்து வருவதாகவும், ஆர்.டி.ஓ (R.T.O) களத்தில் இறங்கி ஆய்வு மேற்கொண்டால் மட்டுமே கல் குவாரி லாரிகளின் அராஜகப் போக்கு கட்டுக்குள் வரும் எனவும், அளவுக்கு மீறிய பாரம் ஏற்றி வருவதாலேயே சாலைகளில் சுமார் அரை அடி வரை பள்ளம் ஏற்படுவதாகவும் அரசு அதிகாரிகள் உரிய நடவடிக்கை மேற்கொண்டு இந்த பிரச்சனைக்கு தீர்வு காண வேண்டும் என்பதே பொதுமக்களின் வேண்டுகோள்…!


Wednesday, December 2, 2020

கூட்டுறவு வங்கிகளில் விவசாயிகளை அலட்சியபடுத்தும் அதிகாரிகள் | மதுராந்தகம் சுற்றுவட்டாரத்தில் மோசமான அதிகார பங்கம் | Cooperative Bank Issue against Farmers | Vil Ambu News

செங்கல்பட்டு மாவட்டம், மதுராந்தகம் வட்டத்தில் பல்வேறு பகுதிகளில் செயல்பட்டுவரும் கூட்டுறவு வங்கிகளில் விவசாயிகளை அலட்சியப்படுத்தும் நோக்கில் அதிகாரிகள் ஈடுபட்டு வருகின்றனர். 

விவசாயிகள் கடனுதவி பெறுவதற்கு பான் கார்டு (PAN Card) நிரந்தர கணக்கு எண் கட்டாயமாக தேவைப்படுகிறது. அதற்காக விவசாயிகள் பான் கார்டுகளை ஆன்லைன் மூலமாக பெறுகின்றனர். 

பான் கார்டின் அசல் (Original PAN Card) அட்டையானது ஆன்லைனில் பதிவு செய்தபிறகு பூனேவில் உள்ள அலுவலகத்திலிருந்து அச்சிடப்பட்டு 15 முதல் 30 நாட்களுக்குள் தபால் மூலமாகவோ அல்லது கொரியர் மூலமாகவோ விவசாயிகளின் கைக்கு வந்தடையும்.

இருந்தபோதிலும், தற்போது டிஜிட்டல் இந்தியா என்ற பெயரில் நாடு முன்னேற்ற பாதையில் வளர்ந்து கொண்டிருப்பதினால் 10 நிமிடத்திலோ அல்லது 3 நாட்களிலோ ஒரு நகல் பான் கார்டினை ஆன்லைன் மூலமாக பெற்று அதனை தற்சமய பயன்பாடுகளுக்கு கொடுக்கலாம் என்பதே அரசாங்கத்தின் ஆனை. 

எந்தவித அலைச்சலும் இல்லாமல் பொதுமக்கள், விவசாயிகள், வணிகர்கள், மாணவர்கள் என அனைத்து தரப்பினரும் பான் கார்டினை எளிதில் பெறுவதற்கான நடைமுறை தற்போது உள்ள சூழலில், கூட்டுறவு வங்கிகளில் பணியாற்றும் ஊழியர்கள் மற்றும் அதிகாரிகள் பாவப்பட்ட அப்பாவி விவசாயிகள் கடன் பெறுவதற்கு கூட்டுறவு வங்கிகளை நாடும்போது அவர்கள் அளிக்கும்  பான் கார்டின் நகலை பெறுவதற்கு மறுப்பு தெரிவித்து திருப்பி அனுப்புகின்றனர்.

பான் கார்டு என்னினை உள்ளீடு செய்தாலே போதுமானது என்ற சூழலில் இதுபோன்ற அதிகார பங்கத்தினால் கடும் விரக்தியில் விவசாயிகள் தள்ளப்படுகின்றனர். 

இதனால் உரிய நேரத்தில் கடன் தொகையினை விவசாயிகள் பெற இயலாத காரணத்தினால் கடும் மன உலைச்சலுக்கு ஆளாவது மட்டுமல்லாமல், உரிய நேரத்தில் விவசாய பணிகளையும் மேற்கொள்ள முடியாமல் மேலும் கடன் சுமைகளில் தள்ளப்படுகின்றனர்.

இது போன்ற சம்பவங்கள் எலப்பாக்கம், எல்.எண்டத்தூர் உட்பட சில கூட்டுறவு வங்கிகளில் தொடர் கதையாகியுள்ளதால் விவசாயிகள்  இதுநாள் வரை டிஜிட்டல் இந்தியா திட்டதின் பயன்களை அனுபவிக்க இயலாத நிலைக்கு தள்ளப்படுவது கடும் வேதனைக்குரியது.

அடிமட்ட ஊழியர்களுக்கு உயர் அதிகாரிகள் உரிய பயிற்சி அளிக்காத காரணத்தினாலும், ஊழியர்கள் இன்னும் அப்டேட் ஆகாத காரணத்தினாலும் அவர்களுக்கிடையில் மாட்டிக் கொண்டு முழிப்பது பாவம் அப்பாவி மக்கள் தான்.

Featured Post

ரத்தம் சொட்ட சொட்ட.. மனைவியின் தலையுடன் தெருவில் நடந்து சென்ற இளைஞர்..

பட்டபகலில் மனைவியின் தலையை வெட்டி, ரத்தம் சொட்ட சொட்ட.. கையில் வைத்து கொண்டு தெருவில் நடந்து சென்ற இளைஞரை கண்டு பொதுமக்கள் அலறி அடி...

நமது சேனலில் வீடியோக்களை காண்க

சமூக சீரழிவு செய்திகள்