Run World Media: 04/28/20

உங்கள் இமெயிலை உள்ளிடுங்கள்-உங்கள் Inboxல் Confirm செய்யுங்கள் நமது செய்தி உடனுக்குடன் வந்து சேரும்

எங்களது பிற செய்திகளை இங்கு தேடவும்

For Advertisement

விளம்பரம் செய்ய runworldmedia@gmail.com க்கு மின்னஞ்சல் அனுப்புங்கள்...

Tuesday, April 28, 2020

அச்சிறுபாக்கம் பேரூராட்சி சார்பாக நலிவடைந்த குடும்பத்தினர்களுக்கு வழங்கப்பட்ட கொரோனா நிவாரணப் பொருட்கள் | Acharapakkam Town Panchayat Corona Relief

செங்கல்பட்டு மாவட்டம், மதுராந்தகம் வட்டம், அச்சிறுபாக்கம் பேரூராட்சி சார்பாக 204 நலிவடைந்த குடும்பத்தினர்களுக்கு அச்சிறுபாக்கம் பேரூராட்சி செயல் அலுவலர் ஏ.சி.முனுசாமி தலைமையில் கொரோனா நிவாரணப் பொருட்கள் வழங்கப்பட்டது.
அச்சிறுபாக்கம் பேரூராட்சியின் வார்டு 2 மற்றும் 3-க்குட்பட்ட பழைய காலணி, வண்டிக்குப்பம் காலணி, கோதண்டம் நகர், அம்பேத்கர் நகர் பகுதிகளைச் சார்ந்த 204 நலிவடைந்த குடும்பத்தினர்கள் கொரோனா தடுப்பு ஊரடங்கு உத்தரவு காரணமாக கடும் பொருளாதாரச் சுமையால் அவதிப்பட்டு வரும் இந்த சூழலில் அவர்களுக்கு அச்சிறுபாக்கம் பேரூராட்சி சார்பாக வெங்காயம், தக்காளி அடங்கிய தலா 3 கிலோ காய்கறிகள், 5 கிலோ அரிசி உள்ளிட்ட கொரோனா நிவாரண உதவிப் பொருட்களை செயல் அலுவலர் ஏ.சி.முனுசாமி முன்னின்று வழங்கினார்.
இந்த நிகழ்ச்சிக்கு சிறப்பு அழைப்பாளர்களாக, விடுதலைச் சிறுத்தைகள் கட்சி மாநில அமைப்புச் செயலாளர் கே.பாலசுந்தரம், முன்னாள் பேரூராட்சித் தலைவர் பட்டாபி, முன்னாள் கவுன்சிலர் மணிகண்டன், விடுதலைச் சிறுத்தைகள் கட்சியைச் சார்ந்த முன்னாள் பேரூராட்சி கவுன்சிலர் வேலவன், தமிழ் மாநில காங்கிரஸ் பேரூராட்சி தலைவர் சுரேஷ், மனிதநேய மக்கள் கட்சியைச் சார்ந்த ஷாஜகான், புரட்சி பாரதம் ஒன்றியச் செயலாளர் சரத்குமார், புரட்சிபாரதம் நகரச் செயலாளர் விஜயகுமார் போன்ற அரசியல் பிரமுகர்கள் கலந்துகொண்டனர்.
மேலும், பேரூராட்சி அலுவலக ஊழியர்கள் சைமன், நவரத்தினம், சீனிவாசன் ஆகியோர் கலந்துகொண்டனர்.

மாமல்லபுரம் அடுத்த பட்டிபுலம் ஊராட்சியில் காங்கிரஸ் கட்சியின் முன்னாள் நாடாளுமன்ற உறுப்பினர் வழங்கிய கொரோனா நிவாரண உதவிகள் | Pattipulam Congress Persons Giving Corona Relief

144 தடை உத்தரவால் வீட்டுக்குள்ளேயே வருமானம் இன்றி முடங்கி கிடக்கும் பொதுமக்களுக்கு பல்வேறு தரப்பினர் நிவாரணப்பொருள் வழங்கி வருகின்றனர். 


இந்நிலையில் செங்கல்பட்டு மாவட்டம், மாமல்லபுரம் அடுத்த பட்டிபுலம் ஊராட்சியில் முன்னாள் ஊராட்சி மன்ற தலைவர் பன்னீர்செல்வம் தலைமையில் சுமார் 1500 குடும்பங்களுக்கு 3 லட்ச ரூபாய் மதிப்பீட்டில் அரிசி உள்ளிட்ட அத்தியாவசிய பொருட்கள் வழங்கப்பட்டது. 


இதில் கலந்து கொண்டு இருளர் இன மக்களுக்கு நிவாரண பொருட்கள் வழங்கி துவக்கி வைத்த காங்கிரஸ் கட்சியின் காஞ்சிபுரம் முன்னாள் நாடாளுமன்ற  உறுப்பினர் பெ.விஸ்வநாதன் தமிழக அரசால் வழங்கப்பட்ட 1000 ரூபாய் நிவாரண தொகை அவர்களுக்கு போதுமானதாக இல்லை. 

எனவே அதனை உயர்த்தி ஒவ்வொரு குடும்ப அட்டைதாரர்களுக்கும் 5000 ரூபாய் வழங்கிடவேண்டும் எனவும் கொரோனா தடுப்பு நடவடிக்கையில் தமிழக அரசு தனிக்கவனம் செலுத்த வேண்டும் என்றும் போர்க்கால அடிப்படையில் கொரோனாவை ஒழிக்க மருத்துவ பரிசோதனைகளை மேற்கொள்ள வேண்டும் என்று கோரிக்கை வைத்தார்.

நிகழ்வில் சிவராமன் மாவட்ட காங்கிரஸ் கமிட்டி உறுப்பினர் சிவராமன், திருப்போரூர் வட்டார மீனவரணி தலைவர் தனசேகர், திருப்போரூர் தெற்கு வட்டார காங்கிரஸ் கமிட்டி தலைவர். பன்னீர்செல்வம் ஆகியோருடன் காங்கிரஸ் கட்சியின் நிர்வாகிகள் பலர் உடனிருந்தனர்.

திருக்கழுக்குன்றத்தில் கொரோனா விழிப்புணர்வு குறித்த தெரு கூத்து நிகழ்ச்சி | Corona Awareness program in Thirukazhukundram

கொரோனா நோய் பரவாமல் தடுக்க நாடு முழுவதும் ஊரடங்கு உத்தரவு பிறப்பிக்கப்பட்டுள்ளது. மக்கள் வீடுகளிலேயே முடங்கியுள்ளனர். இந்நிலையில் திருக்கழுக்குன்றம் பேரூராட்சிக்குட்பட்ட எம்.ஜி ஆர் சிலையருகேயும் , மார்க்கெட் பகுதியிலும் 26.04.2020 அன்று காலை 10.00 மணியளவில் கொரோனா விழிப்புணர்வு தெரு கூத்து நிகழ்ச்சி நடைபெற்றது.



காஞ்சிபுரம் மத்திய மாவட்ட அதிமுக செயலாளர் திருக்கழுக்குன்றம் எஸ். ஆறுமுகம் ஏற்பாட்டில் திருக்கழுக்குன்றம் காவல் ஆய்வாளர் முனிசேகர் முன்னாள் சட்ட மன்ற உறுப்பினர் வாசுதேவன் ஆகியோர் முன்னிலையில் நடைபெற்றது.


ஜம்பேரி கிராமம் ஓம் ஸ்ரீ மாதா கன்னீகா பரமேஸ்வரி கலை நிகழ்ச்சி நாடக சபா குழவினர் மூலம் நடைப்பெற்ற இந்த தெரு கூத்து நிகழ்ச்சியில் கொரோனா வைரஸ் பரவலை தடுப்பது குறித்தும் தனித்திரு விலகியிரு வீட்டில் இரு என அறிவுறுத்தியும் கலை நிகழ்ச்சியினர் ஆடி பாடியும் கொரோனா நோய் தொற்று ஏற்பட்டவர் போல் வேடமணிந்தும்.




நோய் தொற்றால் ஏற்படும் பாதிப்புகள் குறித்தும் பொதுமக்களுக்கு விழிப்புணர்வை ஏற்படுத்தினர். மக்கள் சமூக இடைவெளியை கடைபிடித்தும் முகக் கவசங்கள் அணிந்தும் நிகழ்ச்சியை  பார்வையிட்டனர். தெரு கூத்து களைஞர்களுக்கு கொரோனா நிவாரண உதவிகளாக அரிசி காய்கறி உள்ளிட்டவைகளை மாவட்ட செயலாளர் எஸ் ஆறுமுகம் வழங்கினார்.


இதில் முன்னால் பேரூராட்சி மன்ற உறுப்பினர் அருள்பிரகாஷ், ஒன்றிய விவசாய அணி செயலாளர் மாம்பாக்கம் லட்சுமணன் உள்பட பலர் கலந்து கொண்டனர்.  

Featured Post

ரத்தம் சொட்ட சொட்ட.. மனைவியின் தலையுடன் தெருவில் நடந்து சென்ற இளைஞர்..

பட்டபகலில் மனைவியின் தலையை வெட்டி, ரத்தம் சொட்ட சொட்ட.. கையில் வைத்து கொண்டு தெருவில் நடந்து சென்ற இளைஞரை கண்டு பொதுமக்கள் அலறி அடி...

நமது சேனலில் வீடியோக்களை காண்க

சமூக சீரழிவு செய்திகள்