இந்தியாவில் தங்கப் பத்திரம் விற்பனையில் நாமக்கல் அஞ்சல் கோட்டம் முதலிடத்தைப் பிடித்து சாதனை படைத்துள்ளது.
நாமக்கல் கோட்ட அஞ்சல்துறை சாா்பில், மோகனூா் எஸ்.வாழவந்தியில், அடல் பென்சன் யோஜனா திட்டம் பற்றிய விழிப்புணா்வு முகாம் ஞாயிற்றுக்கிழமை நடைபெற்றது.
இந்த நிகழ்ச்சிக்கு கே.புதுப்பாளையம் கிளை அஞ்சலக அலுவலா் தா்மலிங்கம் தலைமை வகித்தாா். பாலப்பட்டி துணை அஞ்சல் அலுவலா் கணேசன் வரவேற்றாா்.
நாமக்கல் அஞ்சல் கோட்ட கண்காணிப்பாளா் ஆசிப் இக்பால்பேகம் பங்கேற்று, மத்திய அரசின் அடல் பென்ஷன் யோஜனா திட்டத்தின் பயன்கள் குறித்தும் 19 வயது முதல் 39 வயதுக்கு உள்பட்ட, ஆண்களும், பெண்களும் இந்த திட்டத்தில் சேரலாம் என்றும் தங்களுக்கான ஓய்வூதியத் தொகையை அவா்களே தீா்மானித்து அதற்கான பிரீமியத்தை அவரவா் சேமிப்புக் கணக்குகளில் செலுத்தலாம் என்றாா். மேலும் தினசரி ஏழு ரூபாய் செலுத்தினால் 60 ஆண்டுகள் கழித்து மாதம் 5,000 ஓய்வூதியம் கிடைக்கும் என்பதையும், அவா்களது வாரிசுகளுக்கு ரூ. 1.70 லட்சம் கிடைக்கும் என்ற தகவலையும் தெரிவித்தாா்.
இந்தியாவிலேயே நாமக்கல் அஞ்சல் கோட்டம் தங்கப் பத்திரம் விற்பனையில் 13,219 கிராம் விற்பனை செய்து முதலிடம் பெற்று சாதனை படைத்துள்ளது என்றாா்.
இதில், நாமக்கல் கோட்ட வணிகப் பிரிவு அதிகாரி சிவக்குமாா், மேற்கு கோட்ட அஞ்சல் ஆய்வாளா் ரமேஷ், எஸ் வாழவந்தி ஊராட்சி மன்றத் தலைவா் குப்புசாமி, பொதுப்பணித் துறை ஒப்பந்ததாரா் கோவிந்தராஜ், தபால்துறை சத்தியமூா்த்தி உள்ளிட்ட பலா் கலந்துகொண்டனா்.