வில் அம்பு செய்திகள் | Vil Ambu News | Run World Media: ஹெலிகாப்டர் விபத்தை வீடியோ எடுத்தது ஏன்? - வீடியோ எடுத்த போட்டோகிராபர் அளித்த பேட்டி | Why Video Taken that Helicopter.? | வில் அம்பு செய்திகள் | Vil Ambu News
எங்கள் பதிப்புகளை உங்கள் இ-மெயில்-ல் படிக்க உங்கள் இ-மெயில் முகவரியை கீழே கொடுத்து Submit பொத்தானை அழுத்தவும். மேலும் உங்கள் இ-மெயிலை திறந்து எங்கள் இணையதள முகவரியிலிருந்து வந்துள்ள லிங்க்கினை கிளிக் செய்வதன் மூலம் எங்கள் தினசரி பதிவேற்றங்களை எளிதாக படிக்கலாம். நன்றி...

For Advertisement

விளம்பரம் செய்ய runworldmedia@gmail.com க்கு மின்னஞ்சல் அனுப்புங்கள்...

Friday, December 10, 2021

ஹெலிகாப்டர் விபத்தை வீடியோ எடுத்தது ஏன்? - வீடியோ எடுத்த போட்டோகிராபர் அளித்த பேட்டி | Why Video Taken that Helicopter.? | வில் அம்பு செய்திகள் | Vil Ambu News

கடந்த 8 ம் தேதி முப்படை தளபதி பிபின் ராவத் உள்ளிட்ட 14 பேர் கோவை மாவட்டம் சூலூர் விமானப்படை தளத்தில் இருந்து ஹெலிகாப்டரில் நீலகிரி மாவட்டம் வெலிங்டன் இராணுவ பயிற்சி மையத்திற்கு சென்றனர் . மோசமான வானிலை மற்றும் மேக மூட்டம் காரணமாக குன்னூர் அருகே நஞ்சப்பசத்திரம் என்ற இடத்தில் ஹெலிகாப்டர் விபத்துக்குள்ளானது .


இதில் முப்படைத் தளபதி பிபின் ராவத் அவரது மனைவி உள்ளிட்ட 13 பேர் உயிரிழந்தனர் . மேலும் படுகாயமடைந்த வருண் சிங் என்ற அதிகாரிக்கு தீவிர சிகிச்சை அளிக்கப்பட்டு வருகிறது . இதனிடையே முப்படை தளபதி பிபின் ராவத் உள்ளிட்ட உயிரிழந்த இராணுவ வீரர்களின் உடல்களுக்கு வெலிங்டன் ராணுவ பயிற்சி மைய வளாகத்தில் அஞ்சலி செலுத்தப்பட்டது . முப்படை தளபதிகள் , இராணுவ அதிகாரிகள் தமிழக முதல்வர் மு . க . ஸ்டாலின் , தெலுங்கானா ஆளுநர் தமிழிசை சவுந்தரராஜன் உள்ளிட்டோர் அஞ்சலி மரியாதை செலுத்தினர்.


இதனையடுத்து 13 உடல்களும் தனித்தனியாக ஆம்புலன்ஸ் வாகனம் மூலம் கோவை மாவட்டம் சூலூர் விமானப்படை விமான தளத்திற்கு அனுப்பி வைக்கப்பட்டது . அங்கிருந்து உடல்கள் டெல்லிக்கு எடுத்துச் செல்லப்பட்டன . படுகாயமடைந்த வருண் சிங் உயர் சிகிச்சைக்காக பெங்களூரூ அழைத்துச் செல்லப்பட்டார் . இதனிடையே உயிர் நீத்த இராணுவ வீரர்களுக்கு அஞ்சலி செலுத்தும் வகையில் மேட்டுப்பாளையம் , கருமத்தம்பட்டி உள்ளிட்ட பகுதிகளில் வழி நெடுக காத்திருந்த உடல்களை எடுத்துச் சென்ற வாகனங்கள் மீது மலர் தூவி ராணுவ வீரர்களுக்கு மரியாதை செலுத்தினர் . இதேபோல பல்வேறு இடங்களில் இராணுவ வீரர்களுக்கு பொது மக்கள் அஞ்சலி செலுத்தி வருகின்றனர்.

இந்நிலையில் ஹெலிகாப்டர் விபத்து நடக்கும் முன்னர் சுற்றுலா பயணிகளால் எடுக்கப்பட்ட வீடியோ காட்சிகள் சமூக வலைதளங்களில் வைரலாகியது . இந்த காட்சிகளை கோவையை சேர்ந்த போட்டோகிராபர் ஜோபால் அவரது நண்பர் நாசரின் குடும்பத்தினர் உடன் மலை இரயில் பாதையில் போட்டோ எடுக்கச் சென்ற போது படம் பிடித்துள்ளார் . இது குறித்து பேசிய ஜோபால் , ' இரயில்வே டிராக்கில் நிறைய பேர் போட்டோ எடுப்பதை பார்த்துள்ளேன்.

அதனால் நாங்களும் சென்று போட்டோ எடுத்தோம் . அப்போது ஹெலிகாப்டர் சத்தம் கேட்டது . என்ன இந்த நேரத்தில் ஹெலிகாப்டர் வருதே , சவுண்ட் கொஞ்சம் வித்தியாசமா இருக்கிறதே என வீடியோ எடுத்தேன் . ஹெலிகாப்டர் மேகத்திற்குள் சென்றதும் 5 செகண்டில் டமார் என சத்தம் கேட்டது . என் நண்பர் ஓடி வந்து ஒடைச்சிடுச்சா எனக் கேட்ட போது , நானும் ஆமாம் என சொன்னேன் . மேலே வரும் போது பத்து நிமிடத்திற்குள் போலீஸ் ஜீப் வந்து விட்டது . அவர்களிடம் கேட்கும் போது , விபத்து எனக்கூறினர் .

நாங்கள் சென்ற போது பயர் சர்வீஸ் , ஜீப் , ஆம்புலன்ஸ் எல்லாம் வந்து விட்டது . பின்னர் அங்கிருந்து கிளம்பிவிட்டோம் . இரவு சேனலில் செய்தி பார்க்கும் போது , எந்த எவிடன்ஸ் இல்லை என்பதை அறிந்தோம் . அதனால் இந்த விடீயோவை கொடுக்கலாம் என ஆட்சியர் அலுவலகம் வந்தோம் . ஆனால் அங்கு யாரும் இல்லை . காவல் நிலையத்திற்கு சென்ற போது , நிகழ்விடத்திற்கு செல்லுமாறு கூறினர் . அதன்படி அங்கு சென்று ஒருவரிடம் விடீயோவை கொடுத்து விட்டு வந்து விட்டோம் . பின்னர் அனைத்து சேனல்களிலும் வந்து விட்டது .' என அவர் தெரிவித்தார்.

Related News:

🔴Shocking: ஹெலிகாப்டர் விபத்துக்கு முன் எடுக்கப்பட்ட கடைசி நிமிட வீடியோ.. வெளியான பரபரப்பு காட்சி | Last Minute Photo About Coonoor Helicopter Crash 

டெலிகிராம் |  Telegram-ல் இனைய👇

https://t.me/VilAmbuNews


சமீபத்திய செய்திகள் 

No comments:

Post a Comment