முப்படை தலைமை தளபதி பிபின் ராவத், அவரது மனைவி மதுலிகாவின் இறுதி ஊர்வலம் மற்றும் இறுதி மரியாதை நடைபெறுகிறது.
கடந்த 8 ம் தேதி முப்படை தளபதி பிபின் ராவத் உள்ளிட்ட 14 பேர் கோவை மாவட்டம் சூலூர் விமானப்படை தளத்தில் இருந்து ஹெலிகாப்டரில் நீலகிரி மாவட்டம் வெலிங்டன் இராணுவ பயிற்சி மையத்திற்கு சென்றனர் . மோசமான வானிலை மற்றும் மேக மூட்டம் காரணமாக குன்னூர் அருகே நஞ்சப்பசத்திரம் என்ற இடத்தில் ஹெலிகாப்டர் விபத்துக்குள்ளானது .
இதனையடுத்து 13 உடல்களும் தனித்தனியாக ஆம்புலன்ஸ் வாகனம் மூலம் கோவை மாவட்டம் சூலூர் விமானப்படை விமான தளத்திற்கு அனுப்பி வைக்கப்பட்டது . அங்கிருந்து உடல்கள் டெல்லிக்கு எடுத்துச் செல்லப்பட்டன . படுகாயமடைந்த வருண் சிங் உயர் சிகிச்சைக்காக பெங்களூரூ அழைத்துச் செல்லப்பட்டார் . இதனிடையே உயிர் நீத்த இராணுவ வீரர்களுக்கு அஞ்சலி செலுத்தும் வகையில் மேட்டுப்பாளையம் , கருமத்தம்பட்டி உள்ளிட்ட பகுதிகளில் வழி நெடுக காத்திருந்த உடல்களை எடுத்துச் சென்ற வாகனங்கள் மீது மலர் தூவி ராணுவ வீரர்களுக்கு மரியாதை செலுத்தினர் . இதேபோல பல்வேறு இடங்களில் இராணுவ வீரர்களுக்கு பொது மக்கள் அஞ்சலி செலுத்தி வருகின்றனர்.
இந்நிலையில் ஹெலிகாப்டர் விபத்து நடக்கும் முன்னர் சுற்றுலா பயணிகளால் எடுக்கப்பட்ட வீடியோ காட்சிகள் சமூக வலைதளங்களில் வைரலாகியது . இந்த காட்சிகளை கோவையை சேர்ந்த போட்டோகிராபர் ஜோபால் அவரது நண்பர் நாசரின் குடும்பத்தினர் உடன் மலை இரயில் பாதையில் போட்டோ எடுக்கச் சென்ற போது படம் பிடித்துள்ளார் . இது குறித்து பேசிய ஜோபால் , ' இரயில்வே டிராக்கில் நிறைய பேர் போட்டோ எடுப்பதை பார்த்துள்ளேன்.
அதனால் நாங்களும் சென்று போட்டோ எடுத்தோம் . அப்போது ஹெலிகாப்டர் சத்தம் கேட்டது . என்ன இந்த நேரத்தில் ஹெலிகாப்டர் வருதே , சவுண்ட் கொஞ்சம் வித்தியாசமா இருக்கிறதே என வீடியோ எடுத்தேன் . ஹெலிகாப்டர் மேகத்திற்குள் சென்றதும் 5 செகண்டில் டமார் என சத்தம் கேட்டது . என் நண்பர் ஓடி வந்து ஒடைச்சிடுச்சா எனக் கேட்ட போது , நானும் ஆமாம் என சொன்னேன் . மேலே வரும் போது பத்து நிமிடத்திற்குள் போலீஸ் ஜீப் வந்து விட்டது . அவர்களிடம் கேட்கும் போது , விபத்து எனக்கூறினர் .
நாங்கள் சென்ற போது பயர் சர்வீஸ் , ஜீப் , ஆம்புலன்ஸ் எல்லாம் வந்து விட்டது . பின்னர் அங்கிருந்து கிளம்பிவிட்டோம் . இரவு சேனலில் செய்தி பார்க்கும் போது , எந்த எவிடன்ஸ் இல்லை என்பதை அறிந்தோம் . அதனால் இந்த விடீயோவை கொடுக்கலாம் என ஆட்சியர் அலுவலகம் வந்தோம் . ஆனால் அங்கு யாரும் இல்லை . காவல் நிலையத்திற்கு சென்ற போது , நிகழ்விடத்திற்கு செல்லுமாறு கூறினர் . அதன்படி அங்கு சென்று ஒருவரிடம் விடீயோவை கொடுத்து விட்டு வந்து விட்டோம் . பின்னர் அனைத்து சேனல்களிலும் வந்து விட்டது .' என அவர் தெரிவித்தார்.
Related News:
நீலகிரியில் நிகழ்ந்த கோர விபத்து ஒட்டுமொத்த இந்திய மக்களின் மனசாட்சியையும் உலுக்கி எடுத்துவிட்டது.
உயிரிழந்த முப்படை தலைமை தளபதி பிபின் ராவத் உள்ளிட்ட 13 பேரின் உடல்கள் வெலிங்டன் ராணுவ மருத்துவமனையில் பிரேதப் பரிசோதனைக்காகக் கொண்டுவரப்பட்டன. இது முடிந்தபின் அங்குள்ள மைதானத்தில் உடல்கள் அஞ்சலிக்காக வைக்கப்பட்டன.
அவர்களின் உடல்களுக்கு முதலமைச்சர் ஸ்டாலின் மலர் வளையம் வைத்து அஞ்சலி செலுத்தினார். அதேபோல தமிழ்நாடு ஆளுநர் ஆர்.என்.ரவி, தெலங்கானா ஆளுநர் தமிழிசை சவுந்தரராஜன் ஆகியோரும் அஞ்சலி செலுத்தினார்.
இதன்பின் இவர்களின் உடல்கள் 13 ஆம்புலன்ஸ்கள் மூலம் சூலூர் விமானப்படை தளத்திற்கு கொண்டுசெல்லப்பட்டன. அங்கிருந்து டெல்லி கொண்டுசெல்லப்பட்டு முழு ராணுவ மரியாதையுடன் நாளை உடல்கள் அடக்கம் செய்யப்படவுள்ளன. இச்சூழலில் இவ்விபத்தால் பெரிதும் வேதனைக்குள்ளான உதகை மக்கள் வீரர்கள் உயிரிழந்ததற்கு துக்கம் அனுசரிக்கும் வகையில் நாளை முழு கடையடைப்பை கடைப்பிடிக்கவுள்ளனர். நாளை காலை 6 மணி முதல் மாலை 6 மணி வரை உணவகங்கள் உட்பட அனைத்து வகையான கடைகள் அடைக்கப்படும் எனத் தெரிவிக்கப்பட்டுள்ளது.
Extremely disturbed by the news of the Army chopper crash in TN. Praying for the safety of CDS Gen Bipin Rawat ji.
— YS Jagan Mohan Reddy (@ysjagan) December 8, 2021
Deepest condolences to the families of the victims. May they find strength in this difficult time.
அதில், முப்படைகளின் தளபதி பிபின் ராவத், அவரது மனைவி முதுலிகா ராவத், ராணுவ வீரர்கள் லிட்டெர், ஹர்ஜிந்தர் சிங், குருசேவாக் சிங், ஜிதேந்தர் குமார், விவேக் குமார், சாய் தேஜா, சாத்பால், சவுஹான், குல்தீப், பிரதீப், தாஸ் ஆகிய 13 பேர் உயிரிழந்தனர். கேப்டன் வருண் சிங் மட்டும் மருத்துவமனையில் காயங்களுடன் அனுமதிக்கப்பட்டு சிகிச்சைப்பெற்று வருகின்றார்.
இந்நிலையில், பிபின் ராவத்தோடு ஆந்திர மாநிலம் ரெகாடா கிராமத்தைச் சேர்ந்த சாய் தேஜா என்ற ராணுவ வீரரும் ஹெலிகாப்டரில் பயணித்தார். அவரும் இந்த விபத்தின் மூலம் உயிரிழந்துள்ளார். இந்த செய்தியை அறிந்த அவரது குடும்பத்தினரும் சொந்த கிராமத்தினரும் மிகுந்த துரத்தில் ஆழ்ந்துள்ளனர். சித்தூர் மாவட்டம் குரபாலகோட்டா ஈகுவா ரெகாடா கிராமத்தைச் சேர்ந்தவர் சாய் தேஜா, 2013-ம் ஆண்டு இந்திய ராணுவத்தில் சேர்ந்தார். 27 வயதான சாய் தேஜாவுக்கு சர்மிளா என்ற மனைவியும் 4 வயதில் ஆண்குழந்தையும் 2 வயதில் பெண் குழந்தைகளும் உள்ளனர்.
சாய் தேஜா இறுதியாக அவரது மனைவியிடமும் அவரது குழந்தைகளிடமும் வீடியோ கால் மூலம் புதன்கிழமை காலை பேசியுள்ளதாக உறவினர்கள் தெரிவிக்கின்றனர். சாய் தேஜா ஒரு விவசாய குடும்பத்தைச் சேர்ந்தவர். அவரது தந்தை மோகன் விவசாயி. தாய் புவனேஸ்வரி குடும்பத் தலைவியாக இருந்துள்ளார். அவரது சகோதரர் மகேஷும் ராணுவத்தில் ஜவானாக பணிபுரிந்து தற்போது சிக்கிமில் பணியாற்றி வருகிறார்.
சாய் தேஜா ஒரு வருடத்திற்கு முன்பு தனது குழந்தைகளின் கல்விக்காக தனது குடும்பத்தை மதனப்பள்ளி நகரில் உள்ள எஸ்பிஐ காலனிக்கு மாற்றினார்.
அவரது திடீர் மறைவுச் செய்தியைக் கேட்டதும், அவரது பெற்றோர் மற்றும் உறவினர்கள் நேற்று இரவு குன்னூருக்கு கிளம்பினர்.
ஜெனரல் பிபின் ராவத்தின் அனைத்து சுற்றுப்பயணங்களிலும் சாய் தேஜா உடன் சென்றுள்ளார். ஏழு மாதங்களுக்கு முன்புதான் ஜெனரல் பிபின் ராவத்தின் எஸ்பிஓவாக சாய் தேஜா சேர்ந்தார். ஜெனரலுடன் இரண்டு நாள் சுற்றுப்பயணமாக தமிழகம் வந்துள்ளார் சாய் தேஜா.
மூன்று மாதங்களுக்கு முன்பு விநாயக சதுர்த்தி பண்டிகையின் போது சாய் தேஜா தனது வீட்டிற்கு கடைசியாக வருகை தந்தார் என்றும் ஒரு மாதம் தனது குடும்பத்துடன் இருந்தார் என்றும் உறவினர்கள் தெரிவிக்கின்றனர். விடுப்புக்கு விண்ணப்பித்துவிட்டு ஜனவரி மாதம் வீடு திரும்புவதாக உறுதியளித்த சாய் தேஜா கடைசி வரை வரவில்லை என கண்ணீர் கலங்க கூறுகின்றனர் குடும்பத்தினர்.
உயிரிழந்த முப்படைத் தளபதி பிபின் ராவத், ராணுவ வீரர் சாய் தேஜா உள்ளிட்ட 13 பேரின் உயிரிழப்புக்கு ஆந்திர மாநில முதல்வர் ஜெகன் மொகன் ரெட்டி இரக்கல் தெரிவித்துள்ளார். அதேபோல் ஆளுநர் பிஸ்வா பூஷன் ஹரிசந்திரனும் 13 பேரின் உயிரிழப்புக்கு இரங்கல் தெரிவித்துள்ளார். ஆந்திர மாநில முன்னாள் முதல்வர் சந்திரபாபு நாயுடுவும் தன் இரங்கலை பதிவு செய்துள்ளார்.
சூலுார் விமானப்படை தளத்திலும் முப்படை தளபதி பிபின் ராவத் உள்பட 13 பேரின் உடலுக்கு மரியாதை செலுத்த ஏற்பாடு செய்யப்பட்டுள்ளது.
இந்திய விமானப்படைக்கு சொந்தமான ஹெலிகாப்டர் குன்னூர் அருகே நேற்று விபத்துக்குள்ளானதில் முப்படை தளபதி, பிபின் ராவத், அவரின் மனைவி மிதுலிகா ராவத் உள்ளிட்ட 13 பேர் மரணமடைந்தனர்.
இந்நிலையில் குன்னூர் அருகே விமானப்படை ஹெலிகாப்டர் விழுவதற்கு முன் எடுக்கப்பட்ட கடைசி நிமிட வீடியோ வெளியாகி உள்ளது.. இந்த வீடியோவை சுற்றுலா பயணிகள் சிலர் தங்களின் செல்போனில் படம்பிடித்ததாக கூறப்படுகிறது..
அந்த வீடியோவில் பனிமூட்டத்திற்குள் மறையும் காட்சி இடம்பெற்றுள்ளது.. ஹெலிகாப்டர் கீழே விழுந்துருச்சா என்று பேசுவதும் காட்சியில் உள்ளது.. எனினும் இந்த வீடியோவை இந்திய விமானப்படை இதுவரை உறுதிப்படுத்தவில்லை.
குன்னூர் ஹெலிகாப்டர் விபத்து நடந்தது என்ன?
— Gunalan Lavanyan (@gunalancity) December 9, 2021
புதிய வீடியோ வெளியானது?
எடுத்தது யார்? - விசாரணை#CoonoorCrash #HelicopterCrash #helicopter #helicopter_crash #Helicoptercrashes #BipinRawat pic.twitter.com/PX0HDkieLE
இதனிடையே விபத்து நடந்த இடம் முழுமையாக ராணுவத்தின் கட்டுப்பாட்டின் கீழ் வந்துள்ளது.. மேலும் அந்த இடத்தில் 3 அடுக்கு பாதுகாப்பு போடப்பட்டுள்ளது.. தடங்களை பாதுகாக்கும் நோக்கில், விபத்து நடந்த இடத்தில் காவல்துறை, ராணுவம் உள்ளிட்ட 600 பேர் குவிக்கப்பட்டுள்ளனர்.. மேலும் தடங்களை சேகரிக்கும் பணியை ராணுவ நுண்ணறிவு பிரிவினர் வீடியோ பதிவு செய்து வருகின்றனர்..
விபத்து நடந்த நஞ்சப்ப சத்திரம் பகுதியில் ஹெலிகாப்டரின் கருப்பு பெட்டியை தேடும் பணி தீவிரமாக நடைபெற்று வருகிறது.. மேலும் இதர உதிரி பாகங்களை சேகரிக்கும் பணிகளும் நடந்து வருகிறது.
தமிழகத்தின் குன்னூர் அருகே விமானப் படை ஹெலிகாப்டர் விபத்துக்குள்ளானதில் முப்படைகளின் தலைமை தளபதி பிபின் ராவத், அவரது மனைவி உட்பட 13 பேர் உயிரிழந்தனர்.
சூலூர் விமானப் படைத் தளத்திலிருந்து வந்த அதிகாரிகள் ஹெலிகாப்டர் விபத்து நடந்த இடத்தில் நேற்றிரவு ஆய்வ மேற்கொண்டனர். அப்போது, காட்டேரி நச்சப்புராசத்திரம் மலைப்பகுதியில் கருப்புப்பெட்டி கண்டெடுக்கப்பட்டுள்ளது. கண்டெடுக்கப்பட்ட கருப்புப் பெட்டியை டெல்லி அல்லது பெங்களூருவுக்கு கொண்டுசென்று ஆய்வு செய்ய திட்டமிடப்பட்டுள்ளது.
குன்னூரில் நடந்த விபத்தில் ராணுவ தலைமைத் தளபதி பிபின் ராவத் உட்பட ராணுவ அதிகாரிகள் உயிரிழந்துள்ளனர். இச்சம்பவத்தை தொடர்ந்து காஞ்சிபுரம் காமாட்சி அம்மன் கோயிலின் ராஜகோபுரத்தில் மோட்ச தீபம் ஏற்றப்பட்டது.
ராணுவ தலைமைத் தளபதி பிபின் ராவத் ஹெலிகாப்டர் விபத்தில் அகால மரணம் அடைந்திருப்பது மிகவும் துரதிஷ்டவசமானது. அவரது மனைவி மற்றும் ராணுவ அதிகாரிகள், வீரர்களும் உயிரிழந்திருப்பது தேசத்திற்கும் பெரும் பேரிழப்பாகும்.
பிபின் ராவத் ராணுவத்தில் பல்வேறு பதவிகளில் இருந்து சிறப்பாக பணியாற்றிய பெருமைக்குரியவர். அவர் தேசத்திற்காக செய்த தியாகத்தையும், சேவையையும் வருங்கால சந்ததிகள் உணர்வார்கள்.
அவருடைய ஆன்மா சாந்தி அடைய காஞ்சிபுரம் காமாட்சி அம்மன் கோயிலில் மோட்சதீபம் ஏற்றப்பட்டுள்ளதாகவும் அச்செய்திக்குறிப்பில் தெரிவிக்கப்பட்டுள்ளது.
முப்படைகளின் தலைமை தளபதி பிபின் ராவத் உள்ளிட்ட 14 பேர் பயணம் செய்த ராணுவ ஹெலிகாப்டர் இன்று விபத்துக்குள்ளானது. இந்த கோர விபத்தில் பிபின் ராவத், அவரது மனைவி மதுலிகா ராவத், 11 ராணுவ வீரர்கள் என மொத்தம் 13 பேர் உயிரிழந்தனர். ஹெலிகாப்டரில் பயணம் செய்த கேப்டன் வருண் சிங், 80 சதவீத தீக்காயங்களுடன் மருத்துவமனையில் சிகிச்சை பெற்று வருகிறார்.
அந்த ஹெலிகாப்டர் தரையில் இருந்து சுமார் 20 அடி உயரத்திற்கு மேல் பறந்த போது, திடீரென எஞ்சின் செயல்பாடு நின்று போனது. இதனால் ஹெலிகாப்டர் வேகமாக தரையில் மோதி விபத்திற்குள்ளானது. இந்த விபத்தில் சிறு காயங்களுடன் அதில் இருந்தவர்கள் அனைவரும் அதிர்ஷ்டவாமாக உயிர் தப்பினர். இந்த விபத்து நடந்து சுமார் 6 ஆண்டுகளுக்குப் பிறகு இன்று பிபின் ராவத் பயணம் செய்த ஹெலிகாப்டர் விபத்திற்குள்ளாகி அதில் இருந்த 13 பேர் உயிரிழந்த சம்பவம் நிகழ்ந்துள்ளது குறிப்பிடத்தக்கது.