கல்விக் கட்டணம் கட்டாத மாணவன் கையில் முத்திரை குத்தி அனுப்பிய ஆசிரியர்

பஞ்சாப் மாநிலத்தில் கல்விக் கட்டணம் கட்டாத மாணவனின் பெற்றோருக்கு நினைவூட்டும் வகையில், மாணவனின் கையில் முத்திரை குத்தி அனுப்பிய சம்பவம் அதிர்ச்சியை ஏற்படுத்தி உள்ளது.

 பஞ்சாப் மாநிலம் லூதியானாவில் உள்ள எஸ்டிஎன் எனும் தனியார் பள்ளியில் 7ம் வகுப்பு படித்து வரும் மாணவன் ஹர்ஸ்தீப் சிங். இவனது கல்விக் கட்டணம் செலுத்தப்படாததால், பள்ளி நிர்வாகம் தொடர்ந்து பெற்றோருக்கு நினைவுபடுத்தி உள்ளது.


 ஆனால் பெற்றோரால் உரிய நேரத்தில் கல்விபள்ளி நிர்வாகம் மீது மாணவனின் தந்தை கடுமையாக குற்றம்சாட்டியுள்ளார்.


 பரீட்சை ஹாலில் எதுவும் கொண்டு செல்லாத தன் மகன் கையில் ரப்பர் ஸ்டாம்ப் அடித்தது சரியல்ல என்று அவர் கூறினார். ஆனால், மாணவன் தந்தையை பள்ளி ஆசிரியர்கள் குறை கூறினர்.

இதுபற்றி பள்ளி முதல்வர் கூறுகையில், “கல்வி கட்டணத்தை செலுத்தும்படி பலமுறை மாணவனின் டைரியில் ஆசிரியர் எழுதி அனுப்பி உள்ளார். ஆனால் மாணவன் அதை பெற்றோரிடம் காட்டவில்லை.


இப்போது மாணவன் கேட்டுக்கொண்டதால்தான் ரப்பர் ஸ்டாம்ப் அடித்து அனுப்பியிருக்கிறார். வீட்டுக்கு சென்று பெற்றோரிடம் காட்டிவிட்டு, கையை கழுவி ரப்பர் ஸ்டாம்பை அழித்துவிடும்படி கூறி உள்ளார். ஆனால், அவனது பெற்றோர் பிரச்சனையை திசைதிருப்பிவிட்டனர்” என்றார்.

இது தொடர்பாக விசாரணை நடத்த மாவட்ட கல்வி அலுவலர் உத்தரவிட்டுள்ளார். பஞ்சாப் மாநில குழந்தைகள் உரிமைகள் பாதுகாப்பு ஆணையம், பள்ளி முதல்வரிடம் விளக்கம் கேட்டு நோட்டீஸ் அனுப்ப உள்ளது.

இந்நிலையில் கடந்த வெள்ளிக்கிழமை ஹர்ஸ்தீப் சிங், தேர்வு எழுத சென்றபோதும் கல்விக் கட்டணத்தை கட்டும்படி கூறியுள்ளார்.

 அத்துடன், பெற்றோருக்கு மீண்டும் நினைவுபடுத்தும் வகையில், மாணவனின் கையில் ரப்பர் ஸ்டாம்ப் மூலம் முத்திரை குத்தி உள்ளார். 

அதில், தயவு செய்து கல்விக் கட்டணத்தை செலுத்துங்கள் என எழுதப்பட்டிருந்தது. ஆசிரியரின் இந்த செயலுக்கு பல்வேறு தரப்பினரும் கண்டனத்தை தெரிவித்துள்ளனர்.

பலமுறை கூறியும் கல்விக் கட்டணத்தை செலுத்தாததால் பெற்றோருக்கு மீண்டும் நினைவு படுத்தும் வகையில் இவ்வாறு செய்ததாகவும் அந்த ஆசிரியர் கூறியுள்ளார்.

உ.பி.யில் 14 உயிர்கள் பலியானதற்கு காரணமான கள்ளச்சாராய வியாபாரி கைது

உத்தரப்பிரதேசம் மாநிலத்தில் 14 உயிர்கள் பலியானதற்கு காரணமான கள்ளச்சாராய வியாபாரியை போர் கைது செய்தனர்.

உத்தரப்பிரதேசம் மாநிலத்தின் சில மாவட்டங்களில் ரகசியமாக கள்ளச்சாராயம் காய்ச்சி விற்கும் தொழிலை பலர் செய்து வருகின்றனர்.

பாரபங்கி மாவட்டத்தில் உள்ள ராம்நகர் பகுதியில் விற்பனை செய்யப்பட்ட கள்ளச்சாராயத்தை அருகாமையில் உள்ள கிராமங்களை சேர்ந்தவர்கள் வாங்கி குடித்தனர்.

குடித்த சில நிமிடங்களில் அவர்களில் சிலர் கண்ணிருண்டு, ரத்தவாந்தி எடுத்து மயங்கி விழுந்தனர். அவர்கள் அனைவரும் அருகாமையில் உள்ள ராம்நகர் ஆரம்ப சுகாதார மையத்தில் அனுமதிக்கப்பட்டனர். அங்கு அளிக்கப்பட்ட சிகிச்சை பலனின்றி 10 பேர் பரிதாபமாக உயிரிழந்தனர் என முதல் கட்ட தகவல் வெளியானது.

இதுகுறித்து உடனே விசாரணை நடத்தி உரிய நடவடிக்கை எடுக்குமாறு அரசின் முதன்மை செயலாளர் மற்றும் பாரபங்கி மாவட்ட உயரதிகாரிகளுக்கு உ.பி முதல் மந்திரி யோகி ஆதித்யாநாத் உத்தரவிட்டுள்ளார்.

இந்நிலையில், உத்தரப்பிரதேசத்தில் கள்ளச்சாராயம் குடித்து சிகிச்சை பெற்று வந்த மேலும் 4 பேர் உயிரிழந்தனர். இதையடுத்து, கள்ளச்சாராயம் குடித்து பலியானோர் எண்ணிக்கை 14 ஆக அதிகரித்துள்ளது.

மேலும், 14 உயிர்கள் பலியானதற்கு காரணமான சாராய வியாபாரி பப்பு ஜெய்ஸ்வால் என்பவரை போலீசார் இன்று கைது செய்து விசாரித்து வருகின்றனர்.

பாரிஸின் அழகை ஈஃபில் டவர் மூலம் அட்வெஞ்சராக ரசிக்கலாம் - எப்படி?

பிரான்ஸ் நாட்டின் தலைநகரான பாரிஸின் அழகினை ஈஃபில் டவர் மூலம் அட்வெஞ்சராக பயணிகள்பிரான்ஸ் நாட்டின் தலைநகர் பாரிஸ் மிக அழகிய நகரங்களுள் ஒன்றாகும்.

 இங்கு அமைந்துள்ள ஈஃபில் டவர் உலக புகழ்ப்பெற்ற அதிசயமாகும். இந்த டவர் 10 ஆயிரம் டன் எடைக் கொண்டது. மேலும் 324 மீட்டர் உயரம் கொண்டது. கண்டுகளிக்க ஏற்பாடுகள் செய்யப்பட்டுள்ளன.

இந்த டவர் திறக்கப்பட்டு தொடர்ந்து 41 வருடங்கள் உலகிலேயே மிக உயர்ந்த கோபுரமாக இருந்த பெருமையைக் கொண்டது.

இந்நிலையில் ஈஃபில் டவர் கட்டப்பட்டு 130 ஆண்டுகள் நிறைவுறும் நிலையில், இந்த டவரின் மூலம் பாரிஸின் மொத்த அழகை  பொது மக்கள், சுற்றுலா பயணிகள் ரசிக்க சிறப்பு ஏற்பாடு ஒன்று செய்யப்பட்டுள்ளது.



ஈஃபில் டவரின் மேல் தளத்தில் இருந்து, 800 மீட்டர் தொலைவில் உள்ள ராணுவ அலுவலகம் வரை கம்பி ஒன்று இணைக்கப்பட்டுள்ளது.


 இந்த கம்பியில் பொருத்தப்பட்டிருக்கும் பெல்ட்டில் அமர்ந்துக் கொண்டு கம்பி வழியே பறந்து சென்று, பாரிஸ் நகரின் அழகை மேலிருந்து பார்க்க சுற்றுலா பயணிகளுக்கு சிறப்பு வசதி செய்யப்பட்டுள்ளது. இது முற்றிலும் இலவசமாகும்.


இந்த வழியில் செல்பவர்களுக்கான தேர்வு சமூக வலைத்தளங்களில் நடைபெற உள்ளது என்பதும், வரும் ஜூன் 11ம் தேதி வரை இந்த வசதி தொடரும் என்பதும் குறிப்பிடத்தக்கது.

நாணய கண்காணிப்பு பட்டியலில் இருந்து இந்தியாவை நீக்கியது அமெரிக்கா

அமெரிக்காவின் கருவூலத்துறை உலகம் முழுக்க உள்ள சில முக்கிய ரூபாய்களை அந்நாட்டின் கண்காணிப்பு பட்டியலில் வைத்துள்ளது.

அதன்படி எந்த நாட்டு ரூபாய்கள் எல்லாம் உலகில் மிக முக்கியமான தாக்கத்தை ஏற்படுத்துகிறதோ அந்த நாட்டைச் சேர்ந்த ரூபாய்கள் மட்டுமே இந்த வரிசை பட்டியலில் வைக்கப்பட்டு இருக்கும்.

அந்த ரூபாயின் சர்வதேச மதிப்பு மற்றும் தாக்கத்தை வைத்து இந்த பட்டியலில் சேர்க்கப்படும்.


 அந்த வகையில் சீனா, ஜெர்மனி, ஜப்பான், தென்கொரியா, சுவிட்சர்லாந்து ஆகிய நாடுகளின் பணம் அமெரிக்காவின் இந்த பட்டியலில்  உள்ளது. இந்திய ரூபாயும் இந்தப் பட்டியலில் இருந்து வந்தது.

ஆனால், அமெரிக்காவின் சில முக்கிய கவலைகளுக்கு தீர்வு கொடுக்கும் வகையில் இந்தியா மேற்கொண்ட நடவடிக்கைகள் அமைந்து இருப்பதையடுத்து, நாணய கண்காணிப்பு பட்டியலில் இருந்து இந்திய ரூபாய் நீக்கப்பட்டு இருப்பதாக, அமெரிக்க கருவூலத்துறை வெளியிட்டுள்ள அறிக்கையில் தெரிவிக்கப்பட்டுள்ளது.

40 பக்கங்கள் கொண்ட அந்த அறிக்கையில், சுவிட்சர்லாந்தும் நாணய கண்காணிப்பு பட்டியலில் இருந்து நீக்கப்பட்டுள்ளதாக தெரிவிக்கப்பட்டுள்ளது.

அதேவேளையில், சீனா, ஜப்பான், தென்கொரியா, இத்தாலி, ஜெர்மனி, அயர்லாந்து, சிங்கப்பூர், மலேசியா, வியட்நாம் ஆகிய நாடுகளை நாணய கண்காணிப்பு பட்டியலில் தொடர்ந்து அமெரிக்கா வைத்துள்ளது குறிப்பிடத்தக்கது.

பெட்டிக்கடையில் நடந்த 4,000 கருக்கலைப்பு!

4 ஆயிரம் பெண்களுக்கு கருக்கலைப்பு : 10-ம் வகுப்பு படித்த போலி டாக்டர் மனைவியுடன் கைது .

திருவண்ணாமலையில் கடந்த 10 ஆண்டுகளாக 4 ஆயிரம் பெண்களுக்கு கருக்கலைப்பு செய்த போலி டாக்டர்

திருவண்ணாமலையில் போலி டாக்டர் கருக்கலைப்பில் ஈடுபடுவதாக எஸ்.பி. சிபிசக்கரவர்த்திக்கு ரகசிய தகவல் கிடைத்தது.

எஸ்.பி. சிபிசக்கரவர்த்தி தலைமையில் போலீசார் திருவண்ணாமலை முழுவதும் தீவிர சோதனையில் ஈடுபட்டனர்.

திருவண்ணாமலையில் போலி டாக்டர் கருக்கலைப்பில் ஈடுபடுவதாக எஸ்.பி. சிபிசக்கரவர்த்திக்கு ரகசிய தகவல் கிடைத்தது.

எஸ்.பி. சிபிசக்கரவர்த்தி தலைமையில் போலீசார் திருவண்ணாமலை முழுவதும் தீவிர சோதனையில் ஈடுபட்டனர்.

திருவண்ணாமலை ஈசான்ய லிங்கம் அருகே ஒரு பேன்ஸி ஸ்டோரில் சந்தேகத்தின் பேரில் போலீசார் சோதனை நடத்தினர்.

அப்போது அந்த கடையின் உரிமையாளர் கவிதா (32) என்பவரிடம் விசாரணை நடத்தினர். மேலும் கடையில் இருந்த பெண்ணிடம் விசாரித்த போது அவர் கருக்கலைப்பு செய்ய அங்கு வந்ததாக தெரிவித்தார்.

இதையடுத்து கவிதா அவருக்கு உடந்தையாக இருந்த அவரது கணவர் பிரபு ஆகிய 2 பேரையும் திருவண்ணாமலை கிழக்கு போலீசார் கைது செய்தனர்.

அவர்களிடம் நடத்திய விசாரணையில் கவிதா 10-ம் வகுப்பு படித்து விட்டு பேன்ஸி ஸ்டோர் வைத்துக் கொண்டு அங்கேயே கருக்கலைப்பு செயலில் ஈடுபட்டு வந்தது தெரியவந்தது.

மேலும் பேன்ஸி ஸ்டோரில் இருந்த பெண்ணிடம் விசாரணை நடத்தியதில் அந்த பெண் கலசப்பாக்கம் அடுத்த பாடகம் கிராமத்தை சேர்ந்த திருமணமான இளம்பெண் என்றும், ஏற்கனவே 2 குழந்தைகள் இருப்பதால் கருக்கலைப்பு செய்ய வந்ததும் தெரியவந்தது. தொடர்ந்து போலீசார் அவரிடம் விசாரணை நடத்தி வருகின்றனர்.

திருவண்ணாமலை கலெக்டர் கந்தசாமி, எஸ்.பி. சிபிசக்கரவர்த்தி ஆகியோர் சம்பவ இடத்திற்கு விரைந்து சென்று ஆய்வு செய்தனர்.

பின்னர் பேன்ஸி ஸ்டோரில் இருந்த மருத்துவ உபகரணங்கள், கருக்கலைப்பிற்கு பயன்படுத்தப்படும் மருந்துகள் உள்ளிட்டவைகளை பறிமுதல் செய்து பேன்ஸி ஸ்டோருக்கு சீல் வைத்தனர்.

இதுகுறித்து கலெக்டர் கந்தசாமி நிருபர்களிடம் கூறியதாவது:-

திருவண்ணாமலையில் உள்ள ஆரம்ப சுகாதார நிலையத்தில் சிகிச்சை பெற்று வந்த கர்ப்பிணி பெண் ஒருவர் திடீரென சிகிச்சைக்கு வரவில்லை. இதனால் அந்த பெண்ணின் வீட்டில் விசாரித்த போது அந்த பெண் கருக்கலைப்பு செய்தது தெரியவந்தது.

இதையடுத்து அந்த பெண்ணின் செல்போன் எண்ணிற்கு வந்த அழைப்பிற்கு தொடர்பு கொண்டதில் திருவண்ணாமலை கிரிவலப்பாதையில் 10-ம் வகுப்பு படித்த கவிதா என்ற பெண்ணிடம் கருக்கலைப்பு செய்தது தெரியவந்தது.

இதையடுத்து நடத்திய ஆய்வில் முன்பகுதியில் பேன்ஸி ஸ்டோர் போல் இருந்தது. உட்பகுதியில் கிளினீக், மருந்து பொருட்கள் மற்றும் கருக்கலைப்பிற்கு தேவையான உபகரணங்கள் உள்ளிட்டவை இருந்தது.

செல்போன் எண்ணை வைத்து தான் இந்த இடம் கண்டறியப்பட்டது. கிரிவலப்பதையில் 24 மணி நேரம் மக்கள் நடமாட்டம் உள்ளதால் பொதுமக்கள் சந்தேகப்படாத வகையில் முன்பகுதியில் பேன்ஸி ஸ்டோரும் வைத்திருந்தனர்.

இப்பகுதியில் உள்ளவர்களிடம் விசாரித்த போது நாள்தோறும் 2-க்கும் மேற்பட்ட பெண்கள் கருக்கலைப்பு செய்ய வந்து சென்றது தெரியவந்தது.

கடந்த 10 ஆண்டுகளாக கவிதா மற்றும் அவரது கணவர் பிரபு ஆகியோர் கருக்கலைப்பை தொழிலாக நடத்தி வந்துள்ளனர். அவர்கள் இதுவரை 3 ஆயிரம் முதல் 4 ஆயிரம் பெண்களுக்கு கருக்கலைப்பு செய்திருக்கலாம்.

முதற்கட்டமாக கிளினிக் சீல் வைக்கப்பட்டது. தொடர்ந்து அவர்களின் வீட்டில் ஆய்வு செய்யப்படும்.

தொடர்ந்து கைது செய்யப்பட்டவர்களிடம் போலீசார் விசாரணை செய்வார்கள். அவர்கள் மீது சட்டப்படி நடவடிக்கை எடுக்கப்படும் என்றார்.

கருக்கலைப்புக்கு ரூ.12 ஆயிரம் வரை கட்டணம் வசூலித்துள்ளனர். மேலும் இந்த செயலில் வேறு யார், யாருக்கு தொடர்பு உள்ளது என்பது குறித்து போலீசார் விசாரணை நடத்தி வருகின்றனர்.

திருவண்ணாமலையில் கடந்த ஆண்டு டிசம்பர் மாதம் நடத்திய ஆய்வில் கருவில் உள்ள குழந்தையின் பாலினம் கண்டறிய ரூ.6 ஆயிரம், கருக்கலைப்புக்கு ரூ.15 ஆயிரம் என வசூலித்து பல பெண்களுக்கு கருக்கலைப்பு செய்த போலி பெண் டாக்டர் ஆனந்தி மற்றும் அவரது கணவர் தமிழ்செல்வன் வீட்டில் ரகசிய அறையில் செயல்பட்டு வந்த ஸ்கேன் சென்டர் மாவட்ட நிர்வாகத்தால் சீல் வைக்கப்பட்டு இருவரும் கைது செய்யப்பட்டனர்.

இந்த நிலையில் தற்போது மீண்டும் திருவண்ணாமலையில் கருக்கலைப்பு சம்பவம் நடந்திருப்பது பெரும் பரபரப்பையும், அதிர்ச்சியையும் ஏற்படுத்தியுள்ளது.

---

6 மணி நேரத்தில் தெறிக்கவிட்ட ரஷ்யா.! வாயை பிளந்த அமெரிக்கா, சீனா.!

சர்வதேச விண்வெளிய நிலையத்துக்கும் வெளியே சோயுஸ் எம்எஸ்-09 என்ற விண்கலனுக்கு பஞ்சர் ஓட்டி சாதனை செய்தனர் ரஷ்யாவின் இரு விஞ்ஞானிகள்.

இந்த ஓட்டையை அடைக்க அவர்கள் 6 மணி நேரம் போராடினர். இந்த குழுவில் நாசா விண்வெளி வீரர்களும் ஈடுபட்டனர். சோயுஸ் எம்எஸ்-09 விண்கலனில் 1.5 மி.மீட்டர் அளவில் ஓட்டை இருந்தது. இதை கண்டுபிடித்து கஞ்சிதமாக பஞ்சர் போட்ட விஞ்ஞானிகளை உலகம் இன்று வித்தியாசமாக பார்த்து வருகின்றது.

சர்வதேச விண்வெளி நிலையம்: 

இருக்கின்றது. இதில் நாசா, ரஷ்யா, சீனா உள்ளிட்ட பல்வேறு நாடுகளை சேர்ந்த விண்வெளி வீரர்களும் தங்கி விண்வெளி குறித்த பல்வேறு ஆராய்ச்சி பணிகளையும் செய்து வருகின்றனர்.

சோயுஸ் எம்எஸ்-09:

 சோயுஸ் எம்எஸ்-09 என்ற விண்கலன் இருக்கின்றது. இதன் மூலம் விண்வெளிக்கு சென்று வர முடியும். இது ஆராய்ச்சி பணிகளுக்கும் பொருட்களையும், மனிதர்களையும் கொண்டு செல்ல பயன்படுத்தப்பட்டது. 

இதில் ஒரு சிறிய பென்சில் அளவில் (அதாவது 1.5 மி.மீட்டர் அளவில்) ஓட்டை இருந்தது. இதனால் விண்கலனின் வேகம் குறைந்து இருந்தது. கடந்த 4 மாதமாக சர்வதேச விண்வெளி நிலையம் அருகே பயன்படுத்த முடியாமல் நிறுத்தி வைக்கப்பட்டு இருந்தது.

ஓட்டையை கண்டுபிடித்த ரஷ்யா:

முதலில் சோயுஸ் எம்எஸ்-09 விண்கலனில் ஓட்டை இருப்பதை ஆதாரபூர்வமாக கண்டுபிடித்தது. அமெரிக்கா இரண்டு ஓட்டை என்று கூறிய போதும், அதை ரஷ்யா ஒரே ஓட்டை தான் இருக்கின்றது என்று கூறியது.

கழிவறை அருகே சுவற்றில் ஓட்டை:

 சோயுஸ் எம்எஸ்-09 என்ற விண்கலத்தின் கழிவறை சுவர் அருகே பென்சில் அளவில் ஓட்டை இருப்பதை ரஷ்யா கண்டுபிடித்து அறிவித்தது. ரோச்கோஸ்மோஸ் (ரஷ்ய விண்வெளி நிலையம்) ஸ்டேட் கார்பரேஷனின் தலைவர் டிமிட்ரி ரோகோசின் இந்த சம்பவத்தை உறுதிப்படுத்தினார்.

எப்படி ஓட்டை விழுந்தது: 

 விண்கலனில் எப்படி ஓட்டை விழுந்தது என்றால், ஒரு விண்கல் அல்லது குப்பையால் தாக்கியதால் ஏற்பட்டிருக்கலாம் என்று விஞ்ஞானிகள் கருதுகின்றனர். மேலும், இதையடுத்து, சரிசெய்யும் பணியை துவங்க வேண்டும் என்று ரஷ்யா-நாசா முடிவு எடுத்தது.

அடைக்கும் பணியில் ரஷ்யா நாசா:

ஒலெஹ் கோனென்கோ மற்றும் செர்ஜி புரோகோப்யோவ் என்ற இரண்டு ரஷ்ய விஞ்ஞானிகளும், நாசாவின் விஞ்ஞானி குழுவும் இந்த பணியில் ஈடுபட்டனர்.

ஓட்டை எப்படி அடைக்கப்பட்டது: 

 முதல்கட்டமாக ESA ஆதாரங்களின் படி, கசிவுப் பகுதியின் தற்காலிகமாக கப்டன் டேப்ட்டுடன் முத்திரையிடப்பட்டது,. அதே நேரத்தில் ரஷ்ய விண்வெளி வீரர்கள் ஒரு நிரந்தர சீல் பேட்ச் இல் பணிபுரிந்தனர். அமெரிக்காவின் தளபதி டிரு பேஸ்டெல் மற்றும் ரஷ்ய குழு உறுப்பினர்களிடையே நிலுவையில் பழுது உத்திகளை சோதித்துப் பார்த்தனர்.

டிச.19ல் பூமிக்கு வருகின்றது:

 இந்த சோயுஸ் எம்எஸ்-09 தற்போது விண்வெளி நிலையத்துக்கு (ஐஎஸ்எஸ்) சென்றுவர முக்கிய தேவையாகவும் இருக்கின்றது. இதையடுத்து தற்போது சரிசெய்யப்பட்டு இருப்பதால், டிம்பர் 19ம் தேதி பூமிக்கு கொண்டுவரப்பட இருக்கின்றது. இதில் நாசா விஞ்ஞானி புரோகோப்யோவ் வர இருக்கிறார்.

ரஷ்யாவுக்கு குவியும் பாராட்டு :

சோயுஸ் எம்எஸ்-09 விண்வெளி நிலையத்தின் வெளியில் மதந்தபடி 6 மணி நேரத்திற்கு மேல் ஓட்டையை அடைத்துள்ளனர். இதனால் அவர்களுக்கு பாராட்டு குவிந்து வருகின்றது. நாசா, ரஷ்யா குழுவினரின் இந்த செயல் இன்று விஞ்ஞானிகளையும் பிரமிக்க வைத்துள்ளது.

ரஷ்யாவுக்கு பெருமை:

 இந்த செயல் ரஷ்யாவுக்கு மேலுல் ஒரு பெருமை தேடித் தந்துள்ளது. இதுவரை யாரும் செய்யாத செயலாகவும் இது இருக்கின்றது. இதற்கு ரஷ்யா அதிபர் விளாடிமிர் புதின் விஞ்ஞானிகள் குழுவுக்கு பாராட்டுக்களையும் தெரிவித்துள்ளார்.

உலகின் அபாயகரமான லேப்டாப் விற்பனைக்கு வந்துள்ளது: காற்று கூட நுழையமுடியாத ஒரு பெட்டியில் உள்ளது.

உலகின் மிகவும் அபாயகரமானதாகக் கருதப்படும் 6 வைரஸ்கள் நிறைந்த சாம்சங் லேப்டாப் ஒன்று விற்பனைக்கு வந்துள்ளது, குறிப்பாக சர்வதேச அளவில் சுமார் 100பில்லியன் அமெரிக்க டாலர்கள் அளவுக்கு இந்த லேப்டாப் மூலம் சேதாரம் ஏற்பட்டுள்ளது என்று தெரிவிக்கப்பட்டுள்ளது.

மேலும் மைக்ரோசாஃப்ட் விண்டோஸ் xp மென்பொருளின் கீழ் இயங்கும் இந்த லேப்டாப் தான் உலகின் அபாயகரமான லேப்டாப் என்று கூறப்படுகிறது. பின்பு இது வெறும் லேப்டாப் மட்டுமல்ல அபாயகரமான இயந்திரம் என்றும் அழைக்கப்படுகிறது.

சாம்சங் 

 வெறும் 10.5 இன்ச் அளவிலான திரை மட்டுமே கொண்டு, விண்டோஸ் Xp அமைப்பில் செயல்படும் இந்த சாம்சங் லேப்டாப்பில் உலகின் மிக அபாயகரமான 6 வைரஸ்கள் உள்ளன. இந்த 6 வைரஸ்கள் இதுவரை 7லட்சம் கோடி வரையிலான சேதத்தை உலகில் ஏற்படுத்தியுள்ளது.

க்யோ ஒ டாங் 

பின்பு இதனை உருவாக்கியவர் க்யோ ஒ டாங் என்பவர் ஆவார், சைபர் செக்யூரிட்டி துறையில் ஆழமான உள்ளுணர்வு கொண்ட இவரை ஒரு மிகப்பெரிய கலைஞர் என்று தான் அழைக்க வேண்டும். உலகத்தில் 7 லட்சம் கோடி வரையிலான சேதங்களை ஏற்படுத்திய ஒன்றை உருவாக்கிய கலைஞர்.

1.2மில்லியன்

 10.5-இன்ச் கொண்ட லேப்டாப் தற்சமயம் ஏலம் விடப்பட்டுள்ளது, இதற்கான துவக்க விலையே 1.2மில்லியன் அமெரிக்க டாலர்களாக உள்ளது. இந்த லேப்டாப் ஏலம் விடப்படும் செய்தி வைரலானது, இந்த ஏலம் நிகழ்வு லைவ் ஆகக் ஒளிபரப்பப்படும் அளவுக்கு வரவேற்புப் பெற்றுள்ளது என்பது குறிப்பிடத்தக்கது.

காற்று கூட நுழையமுடியாத ஒரு பெட்டியில் வைக்கப்பட்டுள்ளது 

 இதில் உள்ள அபாயகரமான வைரஸ்களின் பாதிப்பிலிருந்து தப்பிக்க இந்த லேப்டாப் தற்போது காற்று கூட நுழையமுடியாத ஒரு பெட்டியில் வைக்கப்பட்டுள்ளது, பின்பு The Persistence of Chaos என்ற இணையதளத்தில் இந்த சாம்சங் லேப்டாப்-க்கான ஏலம் நடைபெறுகிறது.

இறந்த மனித உடல்களை அபகரிக்கும் ஏலியன்கள்: அதிர்ச்சியூட்டும் தகவல்கள்.!

ஏலியன்கள் குறித்து நாம் பல்வேறு விடங்களையும் பார்த்து வருகின்றோம். ஏலியன்கள் எதற்காக பூமிக்கு வருகின்றார்கள் என்று பல்வேறு விசித்திரமான காரணங்களும் கூறப்படுகின்றது. பூமியில் பல்வேறு பகுதிகளிலும் ஏலியன்கள் இருப்பதாக கூறப்படுகின்றது. ஏலியன்கள் நடமாட்டம் குறித்து பூமியில் பரவலாக பேசப்படுகின்றது.

இந்நிலையில், இறந்த மனித உடல்களை ஏலியன்கள் அபகரித்துக் கொள்வதாக கூறப்படுகின்றது. நாம் இறந்த பிறகு சொர்க்கம் செல்கின்றோமா இல்லை நரகம் செல்கின்றோ என்று தெரியவில்லை. இறந்த பிறகு மனித உடலை ஏலியன்கள் கைப்பற்றி தன்னோடு இனத்திற்கு அர்ப்பணித்து விடுவதாக கூறப்படுகின்றது.

ஏலியன்கள் யார்?

ஏலியன்கள் என்பது மனித உருவத்தை விட பெரியதாகவும், அல்லது சிறியதாகவும், இந்து சமய புராணங்களில் குறிப்பிட்ட கடவுள் தான் ஏலியன்கள் என்றும் ஒரு சில ஆய்வாளர்கள் கருத்துக்களை முன் வைத்து வருகின்றனர். இதிகாசம், புராணங்களில் சொல்லப்பட்டுள்ள கடவுள்கள் குறித்து நாசாவும் ஆராய்ந்து வருகின்றது.

மனித-ஏலியன்:

பூமியில் மனிதர்களுடன் ஏலியன் உறவு வைத்துள்ளதால், மனிதர்களுக்கும் ஏலியன்களுக்கும் பிறந்த ஏலியன்களின் வாரிசுகள் பூமியில் வாழ்வதாகவும் கூறப்படுகின்றது. மனிதனுக்கும் ஏலியன்களுக்கும் பிறந்தவர்களே மனித-ஏலியன் என்று அழைக்கிப்படுகின்றனர். இவர்கள் பார்ப்பதற்கு மனிதர்களை போல இருந்தாலும் அவர்களுக்கு ஏலியன்கள் சக்தி அப்படியே இருப்பதாகவும் கூறப்படுகின்றது. 

உறவினர்களை பார்க்க வருகின்றனர்: 

பூமியில் ஏலியன்களின் உறவினர்கள் வாழ்வதால், அவர்களுடன் உறவு கொள்ளவும் அவர்களை சந்திக்கவும் ஏலியன்கள் அடிக்கடி பூமிக்கு வந்து செல்வதாகவும் கருத்துகளை பல்வேறு நாடுகளை சேர்ந்த வேற்றுகிரக ஆராய்ச்சியாளர்கள் அடுக்கி வைக்கின்றனர்

நாசா விஞ்ஞானி கருத்து: 

நாசா ஏம்ஸ் ஆராய்ச்சி மைய கம்ப்யூட்டர் விஞ்ஞானியான பேராசியரியர் சில்வானோ பி கொலொம்பனோ பூமிக்கு ஏலியன்கள் வந்துவிட்டன. இதை நாம் அறியாமல் இருக்கின்றோம் என்று ஆய்வு கட்டுரையில் கூறியுள்ளார்.

கார்பன் உடல்:

 மாறுபட்ட உடல் அமைப்புடனும் கார்பன் உடல் உறுப்புகளோடு ஏலியன்கள் பூமியில் இருப்பதால் அவர்களை மனிதர்களால் எளிதில் அடையாளம் காண முடிவதில்லை என்றும் விஞ்ஞானி சில்வானோ தெரிவித்துள்ளார்.

பரிசீலனை செய்ய வேண்டும்: 

 ஏலியன்கள் குறித்து பழைய கணிப்புகளை நாம் மறுபரிசீலனை செய்ய வேண்டும். பல்வேறு குணங்களை கருத்தில் கொள்ள வேண்டும் என்று அவர் தெரிவித்துள்ளார்.

மாறுப்பட்ட தொழில் நுட்பம்:

 ஏலியன்கள் பூமிக்கு மிகவும் சிறிய அளவிலும் இருக்கலாம். தற்போது நிலவும் கருத்துப்படி மேம்பட்ட தொழில் நுட்பத்தை பயன்படுத்தலாம் என்றும் அவர் சில்வானோ தெரிவித்துள்ளார்.

மனித உடலை கைப்பற்றும் ஏலியன்கள்: 

 மனிதன் இறந்த பிறகு அவர்களின் உடலை ஏலியன்கள் எடுத்துக் கொள்வதாகவும், மனித இனத்திற்கு இடையே தங்களை அடையாளம் காட்டிக் கொள்ளாமல் வாழ வேண்டும் என்றும். மனிதர்களுடன் நெருங்கிய உறவாடவும் ஏலியன்கள் மனித உடல்களை எடுத்துக் கொள்வதாகவும் கூறப்படுகின்றது.

இதுபோன்ற உடல் தேவை: 

 விபத்து ஏற்பட்டு நசுங்கிய ( துண்டான, உடல் சிதறிய) உடல்களையோ, இல்லை கடும் நோய் வாய் வட்டு இறந்த உடல்களை ஏலியன்கள் ஏற்றுக் கொள்வதில்லை.

 மேலும் கடும் தோல்வியாதிகளாலும் பாதிக்கப்பட்டு இறந்தவர்களின் உடலையும் ஏலியன்கள் எடுத்துக் கொள்ளமாட்டார்கள். பெரும்பாலும் இயற்கை மரணம், தற்கொலை மரணம், மின்சாரம் தாக்கி இறந்தோர்களின் உடல்களை ஏலியன்கள் எடுத்துக் கொள்கின்றனர்.

 ஏலியன்களுக்கு கருப்பு சிவப்பு மாறநிறம் என்று வேறுபாடுகள் இல்லாமல் ஏலியன்கள் எடுத்துக் கொள்கின்றன.

கார்பன் காப்பி எடுக்கும் ஏலியன்கள்:

 இதுபோன்று இறந்தவர்களின் உடலை அடக்கும் செய்யப்பட்ட அன்றே ஏலியன்கள் வந்து கார்பன் காப்பி எடுப்பது போன்று அவர்களின் முழு உடலையும் தொழில்நுட்ப முறையில் எடுத்துச் சென்று விடுகின்றனர்.

 இதை மனித உருவத்தில் உலாவ விரும்பும் ஏலியன்ளுக்கு அவர்கள் பொருத்தி விடுகின்றனர். பிறகு ஏலியன்கள் மனித உருவத்தில் நடமாடவும் அவர்களுக்கு இது இறந்த மனிதர்களின் உடல் தேவைப்படுகின்றது.

8 வழிச்சாலை அமைப்பதில் உள்ள தீவிரம் குடிநீர் பிரச்சனையை தீர்ப்பதில் அரசுக்கு இல்லை.. குமுறும் மக்கள்

லஞ்சம் பெறும் ஒரே நோக்கத்திற்காக தான் எட்டு வழிச்சாலை அமைக்க முதல்வர் மற்றும் அமைச்சர்கள் தீவிரம் காட்டுவதாக, விவசாயிகள் மற்றும் பொதுமக்கள் குற்றம்சாட்டியுள்ளனர்.

 விவசாயிகள் தாமாகவே நிலங்களை அளிக்க முன்வந்திருப்பதால், எட்டு வழிச்சாலை திட்டம் நிறைவேறிய தீரும் என்ற அமைச்சர் மாஃபா பாண்டியராஜனின் பேச்சுக்கும் கடும் எதிர்ப்பு எழுந்துள்ளது.

அமைச்சரின் இந்த பேச்சுக்கு கண்டனம் தெரிவித்து சேலம் மாவட்டம் உத்தமசோழபுரம் கிராம மக்கள், பதாகைகளை ஏந்தி போராட்டத்தில் ஈடுபட்டனர். 

அப்போது ஆவேசமாக பேசிய மக்கள், எட்டு வழிச்சாலை திட்டத்தை நிறைவேற்றினால் சுற்றுச்சூழல் கடுமையாக பாதிக்கப்படும் என்றனர். இத்திட்டத்தினால் வளர்ச்சி வரும் என்பதெல்லாம் ஊரை ஏமாற்றும் செயல். நிச்சயம் இது மக்களை அழிவு நிலைக்கு தள்ளக்கூடிய திட்டம் தான் என குமுறினர்.

 தமிழகத்தில் குடிநீர் பிரச்சனை தலைவிரித்தாடுகிறது. இந்த சூழலில் எட்டு வழிச்சாலை திட்டத்தை நிறைவேற்றினால் 500-க்கும் மேற்பட்ட ஏரி குளங்கள் மற்றும் நீர்நிலைகள் ஆயிரக்கணக்கான கிணறுகள் பாதிக்கப்பட்டு முற்றிலும் அழிந்துவிடும்.

ஏராளமான விளைநிலங்களும் இத்திட்டத்திற்கு இரையாகிவிடும் என வேதனை தெரிவித்துள்ளனர். நீதிமன்றம் தெளிவாக கூறிய பின்னரும் எட்டு வழிச்சாலை அமைத்தே தீருவோம் என அரசு கூறுவதில் உள்நோக்கம் உள்ளது.

விவசாயத்தை பாதிக்கும் எந்த திட்டத்தையும் தமிழகத்தில் அனுமதிக்க மாட்டோம் என ஒருபக்கம் கூறும் தமிழக அரசு, விளைநிலங்களை அமைத்து எட்டு வழிச்சாலை திட்டத்தை நிறைவேற்ற துடிப்பது முரணாக தெரியவில்லையா என விவசாயிகள் சரமாரியாக கேள்வி எழுப்பியுள்ளனர்.

 தமிழகமே குடிநீரின்றி அல்லாடி வரும் நிலையில், அப்பிரச்சனையை தீர்க்காமல் இத்திட்டத்திலேயே குறியாக இருப்பதற்கு கமிஷன் வரும் என்பதே காரணம் என விவசாயிகள் புகார் கூறியுள்ளனர். 

தமிழக அரசு இத்திட்டத்தை கைவிடாவிட்டால், பாதிக்கப்படும் 5 மாவட்ட மக்களை திரட்டி பெரும் போராட்டம் நடத்தப்படும் என்றும் விவசாயிகள் எச்சரித்துள்ளனர்.

Read more at: https://tamil.oneindia.com/news/salem/the-intersection-of-8-way-road-construction-government-does-not-have-to-solve-the-problem-of-drink-352335.html

அரசு ஆஸ்பத்திரியில் ஆம்புலன்ஸ் கொடுக்காததால் சிறுவன் சாவு

உத்தரபிரதேச மாநிலம் ஷாஜகான்பூர் மாவட்ட அரசு மருத்துவமனைக்கு அப்ரோஸ் (வயது 9) என்ற சிறுவனை அவனது பெற்றோர் அதிக காய்ச்சலுடன் கொண்டுவந்தனர்.

அப்போது டாக்டர்கள் இங்கு அவனுக்கு சிகிச்சை அளிக்க வசதியில்லை. வேறு எங்காவது கொண்அதற்கு அவர்கள் லக்னோ அரசு ஆஸ்பத்திரிக்கு கொண்டுசெல்ல ஆம்புலன்ஸ் வழங்கும்படி அங்கிருந்த ஊழியர்களிடம் கூறினார்கள்.


அங்கு 3 ஆம்புலன்சுகள் இருந்தும் அவர்கள் வழங்கவில்லை. இதனால் அப்ரோசை அவனது பெற்றோர் வீட்டுக்கு தூக்கிச் சென்றனர்.


ஆனால் வழியிலேயே அவன் பரிதாபமாக இறந்தான். இதுபற்றி மாவட்ட கலெக்டர் விசாரணை நடத்தி சிறுவன் சாவுக்கு ஆஸ்பத்திரி நிர்வாகமே காரணம் என அரசுக்கு அறிக்கை அனுப்பினார்.

மருத்துவர் பாயல் தற்கொலை வழக்கு: மேலும் 2 மருத்துவர்கள் கைது

மகராஷ்டிர மாநிலம் மும்பையில், அம்மாநில அரசால் நடத்தப்பட்டு  வரும் மருத்துவமனையில் தங்கி, பாயல் சல்மான் தட்வி 26, என்ற பெண் மருத்துவர், பெண்கள் நல மருத்துவம் பயின்று வந்துள்ளார்.

 இந்நிலையில், கடந்த 22-ஆம் தேதியன்று பாயல் அவரது அறையில் தூக்கிட்டு தற்கொலை செய்து கொண்டார். இதுதொடர்பாக பாயலின் தாயார் கூறும்போது, பாயலை அவரது சீனியர்கள் தொடர்ச்சியாக சாதியைக் கூறி அவமானப்படுத்தி வந்ததாக தெரிவித்துள்ளார்.

இந்நிலையில், மருத்துவர் பாயலை தொடர்ச்சியாக சாதிக்கொடுமைக்கு உட்படுத்தி அவர் தற்கொலை செய்ய 3 சீனியர் மருத்துவர்கள் காரணமாக இருந்ததாக கூறப்பட்டது.

 குற்றச்சாட்டையடுத்து, மருத்துவர்கள் 3 பேரும் தலைமறைவாகினர். இதனிடையே, மகாராஷ்டிரா மருத்துவர்கள் அசோசியேஷன், குற்றம்சாட்டப்பட்டுள்ள ஹேமா ஆகுஜா, பாக்டி மேகார் மற்றும் அங்கிதா காண்டில்வால் ஆகிய மூன்று மருத்துவர்களின் உறுப்பினர் உரிமையையும் ரத்து செய்தது. 

இதற்கு மத்தியில் பாக்டி மேகார் நேற்று, கைது செய்யப்பட்டார். அவரிடம் முதற்கட்ட விசாரணை நடைபெற்று வரும் சூழலில், தலைமறைவான மேலும் 2 மருத்துவர்களான ஹேமா ஆகுஜா, அங்கிதா காண்டில்வால் ஆகிய இருவரும் கைது செய்யப்பட்டுள்ளனர். 

 குற்றச்சாட்டப்பட்டுள்ள 3 பேருக்கு எதிராக, தலித்துகள் மற்றும் பழங்குடியினர் பாதுகாப்பு சட்டத்தின் கீழ் பிணையில் வெளிவரமுடியாத வகையில் வழக்குகள் பதிவு செய்யப்பட்டுள்ளன என்று போலீஸ் தரப்பில் கூறப்பட்டது.