25 லட்சம் நிதியை பரிந்துரை செய்து வழங்கிய மதுராந்தகம் எம்.எல்.ஏ புகழேந்தி | Madurantakam MLA giving 25 Lakhs for Corona Activities

செங்கல்பட்டு மாவட்டம், மதுராந்தகம் தி.மு.க.சட்டமன்ற உறுப்பினர் சு.புகழேந்தி, சட்டமன்ற உறுப்பினர் மேம்பாட்டுத் திட்டம் 2020-21-ன் கீழ் மதுராந்தகம் அரசு பொது மருத்துவமனைக்கு சிகிச்சையளிக்கும் செலவுகள் மற்றும் சிகிச்சைக்கான மருத்துவ கருவிகள் கொள்முதல் செய்வதற்காக முதல் தவணையாக ரூ.25.00 லட்சம் நிதியினை பரிந்துரை செய்து அதற்காக அதிகார்வபூர்வ கடிடத்தினை செங்கல்பட்டு மாவட்ட ஆட்சியர் ஜான் லூயிஸிடம் இன்று (02.04.2020) வழங்கினார்.

31.03.2020 மற்றும் 01.04.2020 ஆகிய இரு தினங்களில் தனது தொகுதிக்குட்பட்ட அனைத்து மருத்துவமனைகளிலும் கொரோனா வைரஸ் தொடர்பான ஆய்வு செய்த எம்.எல்.ஏ, தற்போது கொரோனா தொற்று நோய் நாளுக்கு நாள் பெருகிவரும் நிலையில் அதற்காக மருத்துவ உபகரணங்கள் இங்குள்ள மருத்துவமனைகளில் இல்லாததை கண்டு கவலையுற்றார்.

இதனடிப்படையில் தொகுதியின் தலைமை மருத்துவமனையான மதுராந்தகம் அரசு மருத்துவமனையினை மேம்படுத்தும் நோக்கில் ரூ.25.00 லட்சம் நிதியினை முதல் தவணையாக தனது தொகுதி நிதியிலிருந்து பரிந்துரை செய்துள்ளார் என்பது குறிப்பிடத்தக்கது.

அச்சிறுபாக்கம் பேரூராட்சியில் பாதுகாப்புடன் வழங்கப்பட்ட கொரோனா நிவாரணத் தொகை மற்றும் பொருட்கள் | Corona Relief Cash and Ration Given to people in Acharapakkam | Vil Ambu News

செங்கல்பட்டு மாவட்டம், மதுராந்தகம் வட்டம், அச்சிறுப்பாக்கம்  பேரூராட்சியில் கொரோனா வைரஸ் நோய் தடுப்பு நடவடிக்கையின்படி, பொதுமக்கள் பாதிக்காத வகையில் தமிழக அரசு அறிவித்துள்ள நிவாரண உதவித்தொகை மற்றும் உணவு பொருட்கள் அச்சிறுப்பாக்கம் பேரூராட்சி எல்லைக்குட்பட்ட வார்டு எண் 4 , காந்திநகர் 5 வது தெருவில் உள்ள நியாய விலை கடையில் இன்று (02.04.2020) பேரூராட்சி செயல் அலுவலர் ஏ.சி.முனுசாமி அவர்கள் முன்னிலையில் வழங்கப்பட்டது. 

பொதுமக்கள் அனைவரும் சமூக இடைவெளியை பின்பற்றி நிவாரண உதவித்தொகை மற்றும் உணவு பொருட்களை வாங்கிச் சென்றனர். அச்சிறுபாக்கம் வருவாய் ஆய்வாளர் தமிழ்செல்வி, கிராம நிர்வாக அலுவலர் தனசேகர், காவலர் சந்திரன் ஆகியோர் உடனிருந்தனர்.

 

மதுராந்தகம் கோட்டாட்சியர் நடத்திய வாகன சோதனையில் சிக்கிய 20 பேருக்கு நூதன தண்டனை | Madurantakam RDO Inspection due to corona lockdown | Vil Ambu News

செங்கல்பட்டு மாவட்டம், மதுராந்தகத்தை அடுத்த கருங்குழியில் காவல் துறையினருடன் இணைந்து மதுராந்தகம் வருவாய் கோட்டாட்சியர் வாகன சோதனையில் ஈடுபட்டார். 

நேற்று சுமார் 2.30 மணியளவில் சென்னையிலிருந்து திருவண்ணாமலை நோக்கி சென்ற காய்கறி லாரியில் 20-க்கும் மேற்பட்ட நபர்கள் பயணம் செய்ததை கண்ட மதுராந்தகம் ஆர்.டி.ஓ லட்சுமிபிரியா 50 தோப்புக்கரணம் போடச் சொல்லி அவர்களுக்கு நூதன தண்டனையை வழங்கினார். 

மேலும், இதுபோன்ற செயல்களில் மீண்டும் ஈடுபட்டால் வாகனத்தின் உரிமத்தை ரத்து செய்வோம் என வாகன ஓட்டுநரை எச்சரித்தார். 

மதுராந்தகம் சட்டமன்ற உறுப்பினர் புகழேந்தி அந்த பகுதியின் வழியே வந்தபோது இந்த 20 நபர்களுக்கும் அறிவுரை வழங்கி அனுப்பினார் என்பது குறிப்பிடத்தக்கது.

கருங்குழி பேரூராட்சியில் தீயனைப்பு வாகனம் மூலம் தெளிக்கப்பட்ட கிருமிநாசினி | Santary works in Karunguzhi Town Panchayat for corona precautions

செங்கல்பட்டு மாவட்டம், மதுராந்தகம் வட்டம், கருங்குழி பேரூராட்சியில் நேற்று (01.04.2020) முக்கிய வீதிகளில் தீயனைப்பு வாகனம் மூலமாக கிருமி நாசினி தெளிக்கப்பட்டது. 

மதுராந்தகம் காவல் ஆய்வாளர் ருக்மாங்கதன் முன்னிலையில், கருங்குழி பேரூராட்சி செயல் அலுவலர் கேசவன் தலைமையில் தீயனைப்புத் துறையினர் கிருமிநாசினி கலந்த நீரை சாலைகள், வீடுகள் மற்றும் கடைகளின் முன்பக்கங்களில் தெளித்து கொரோனா வைரஸ் முன்னெச்செரிக்கை ஏற்ப்பாடுகளை மேற்கொண்டனர்.

கருங்குழி பேருந்து நிறுத்தம், மசூதி வளாகம், பஜார் வீதி, பள்ளிகூட வளாகங்கள் என பல்வேறு இடங்களில் தீயனைப்பு நிலைய அலுவலர்கள் குமார் (பொறுப்பு), பரமசிவம் ஆகியோருடன் இணைந்து தீயனைப்பு வீரர்கள் மற்றும் சுகாதாரப் பணியாளர்கள் கிருமிநாசினியை தெளித்தனர்.