அகிலி, எலப்பாக்கம், மோகல்வாடி, தண்டலம் பகுதிகளில் இருளர்களுக்கு பூமிகா டிரஸ்ட் வழங்கிய நிவாரணப் பொருட்கள் | Chennai Bhoomika Trust Giving Flood Relief | வில் அம்பு செய்திகள் | Vil Ambu News

செங்கல்பட்டு மாவட்டம், மதுராந்தகம் வட்டம், அச்சிறுபாக்கம் ஒன்றியத்திற்குட்பட்ட அகிலி, மோகல்வாடி, சேனியர்மேடு (தண்டலம்), பின்னப்பூண்டி வெள்ளைக்குளம் (எலப்பாக்கம்) ஆகிய பகுதிகளில் வசிக்கும் 85 இருளர் குடும்பங்களுக்கு சென்னை பூமிகா தொண்டு நிறுவனம் சார்பாக நிறுவனத்தின் நிர்வாக அறங்காவலர் அருணா சுப்பிரமணியம் அவர்களின் அறிவுறுத்தலின்படி மழைகால வெள்ள நிவாரணப் பொருட்கள் வழங்கப்பட்டன.

15 நாட்களுக்கு தேவையான அரிசி, சமையல் எண்ணெய், பருப்பு உள்ளிட்ட 20 வகையான மளிகைப் பொருட்கள் அடங்கிய தொகுப்பு பைகளை வேலாமூர் ரூரல் ஸ்டார் டிரஸ்ட்டின் நிறுவனர் தோமினிக் மற்றும் சமூக ஆர்வலர்கள் வினாயகமூர்த்தி, லீமா ரோஸ், சுனில், பழனிவேல் பாலாஜி, தமிழ்செல்வன் ஆகியோர் முன்னிலையில் பூமிகா டிரஸ்டின் கள அதிகாரி ரீகன் அவர்களால் வழங்கப்பட்டது.

சென்னையை தலைமையிடமாக கொண்டு செயல்பட்டுவரும் பூமிகா தொண்டு நிறுவனத்தின் மூலமாக தண்டலம் சேனியர்மேடு பகுதியில் 2015-ம் ஆண்டு வெள்ளம் பாதித்தபோது இருளர்களுக்கு வீடு கட்டிதரப்பட்டுள்ளது என்பது குறிப்பிடத்தக்கது.

சமீபத்திய செய்திகள் 

வேலாமூர் மாதா கோவிலில் விமர்சியாக நடைப்பெற்ற "கிறிஸ்துமஸ்" | Velamur Christmas Celebration | Ramapuram

செங்கல்பட்டு மாவட்டம், மதுராந்தகம் வட்டம், எலப்பாக்கம் பங்கு, வேலாமூர் கிளைப்பங்கில் உள்ள மாதா கோவிலில்  கிறிஸ்துமஸ் பண்டிகையானது வெகுவிமர்சியாக நடைபெற்றது. 

இரவு 2 மணியளவில் ஏசுகிறிஸ்து பிறப்பு திருப்பலி நிகழ்வு நடைபெற்றது. இந்த திருப்பலி நிகழ்வனாது பங்குத்தந்தை அருள்பணி.இம்மானுவேல் மற்றும் அருள்ராஜ் ஆகியோர் நடத்தினர். 

இந்த ஆண்டு கிறிஸ்துமஸ் பண்டிகையில் உலக தாழ்ச்சி, உலக அமைதி, சமாதானம் நிலவவும் மக்கள் நல்ல முன்னேற்றமடையவும் பிராத்தனைகள் நடைப்பெற்றது. 

மேலும், சென்ற ஆண்டு நடந்த அனைத்து பிரச்சனைகளும், தீய பழக்க வழக்கங்களும் மாறி  மனமாற்றத்தோடு இந்த இனிய நாள்முதல் ஆண்டவன் சுகமளிக்கவேண்டும், இருப்பதை பகிர்ந்து வாழவேண்டும், தாழ்ச்சிடன் வாழவேண்டும் போன்ற செய்திகளோடு இந்த திருப்பலியானது 4மணியளவில் முடிவு பெற்றது. 

இத்திருநாளில் ஏழை எளிய மக்களுக்கு சேலைகள் வேட்டிகள் மற்றும் இனிப்புகள் வழங்கப்பட்டது. இந்த விழாவில் ரூரல் ஸ்டார் டிரஸ்ட் நிறுவனர் டோமினிக் மற்றும் ஏகப்பன், அசோக்ராஜ், திவ்யநாதன், அலெக்சாண்டர், ஹேமாவதி, பிரேமா, பிரமிளா, நிர்மலா ஆகியோர்கள் பங்கேற்றனர்.