ஓய்வு பெற்ற தபால் அதிகாரி தனது சொந்த செலவில் 350 குடும்பளுக்கு அளித்த கொரோனா நிவாரண உதவி | Lathur Block Palur Retired Post Master giving Corona Relief to People | Vil Ambu News

செங்கல்பட்டு மாவட்டம், கல்பாக்கம் அடுத்த லத்தூர் ஒன்றியம், பாலூர் கிராமத்தில் பொதுமக்கள் கொரோனா வைரஸ் தொடர்பாக வீட்டை விட்டு வெளியே வராமல் இருப்பதால் குடும்பம் நடத்த முடியாமல் அவதிபட்டு வருகின்றனர். 

இந்நிலையில் அதே கிராமத்தில் வசித்து வரும் ஓய்வு பெற்ற தபால் அதிகாரி சையத் ஹுமாயூன் தனது சொந்த செலவில் அதே கிராமத்தை சேர்ந்த 350 குடும்பங்களுக்கு தலா 25 கிலோ அரிசி, பருப்பு, காய்கறிகள் அடங்கிய தொகுப்பு பையினை வழங்கி, ஏதாவது வேலை நிமித்தமாக வெளியில் செல்பவர்கள், முகக்கவசம் அணியவும் சமூக இடைவெளியை கடைபிடிக்க வேண்டும் என்றும் கேட்டுக்கொண்டார். 

நிகழ்வின் போது கிராம நிர்வாக அலுவலர் பாலு மற்றும் கிராம உதவியாளர் சரவணன் ஆகியோர் உடனிருந்தனர்.

பனை மரத்திலிருந்து விழுந்த வாலிபர் பலி | கொரோனா ஊரடங்கு நேரத்தில் பரிதாபம் | The person died in Karumbakkam Thiruporur Block

செங்கல்பட்டு மாவட்டம் திருப்போரூர் ஒன்றியம் கரும்பாக்கம் பகுதியில் விளையாடச் சென்ற வாலிபர் மரத்திலிருந்து தவறி விழுந்து பலியான சம்பவம் பெரும் அதிர்ச்சியை ஏற்படுத்தியுள்ளது.

கரும்பாக்கம் கிராமத்தில் ஸ்ரீதர் என்ற இளைஞர் ஊரடங்கு உத்தரவு போது ஊரில் விளையாடிக்கொண்டிருக்கும் சிறுவர்களுடன் சேர்ந்து கிரிக்கெட் விளையாடி உள்ளார் அப்போது அவர்களால் அடிக்கப்பட்ட பந்து பணமரத்தின் உச்சியில் மாட்டிக்கொண்டது.

அதனை எடுக்க முயற்சி செய்து மேலே ஏறிய ஸ்ரீதர் தவறிவிழுந்து படுகாயமுற்ற நிலையில் மருத்துவமனைக்கு கொண்டு செல்லும் வழியிலேயே உயிரிழந்தார்.

உயிரிழந்த ஸ்ரீதருக்கு திருமணமாகி மனைவி குழந்தைகள் இருப்பது குறிப்பிடத்தக்கது. அவரை இழந்து வாடும் குடும்பத்தினர் கண்ணீர் மல்க கதறி அழும் காட்சி பார்ப்பவர் நெஞ்சை உறைய வைக்கிறது.

-செங்கல்பட்டு செய்தியாளர் பூபதிராஜா